Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Expo: Maj cera aktiviteto ande nazisticni gruppi

Publicime torsdag 19 maj 2016 kl 13.46
Kartografia katar Expo
(4:38 min)
Man framför vägg med logotyp
Expos vd vaj sherutno o Daniel Pohl. Foto: Karin Wettre/Sveriges Radio.

Nazisticni thaj facisticni gruppi kheren maj cera aktivitetura kaj dichon, rapportulij o Expo.

 Demonstraciji, ke den avri lila, treningura thaj konsertura thela paluno bersh. Kado sikhavel jek rhodipe kherdino katar e antirasisticno stiftelse Expo. Ferik ke lengi organizacia pharudzilas kaveres, phenel o Daniel Poohl, VD vaj sherutno ando stiftelsen Expo.

- E kartografia sikhavel ke o aktiviteto ande rasideologiska rasaki ideologicno enviromentia csinjilas thela o 2015-bersh. Anglunes kado sar jek konsekvenso ke o Svenskarnas parti kana sas alosarimasko bersh sas le jek massivno mobilisacia kaj chi ghelas mishto, thaj agorisajlas thela 2015-bersh, phenel o Daniel Poohl, sherutno ando Expo.

O Expo ginadas le aktivitetura kaj le nazisticni thaj fasicticni gruppi jekzene rapportulisarde sar exemplo diferetni manifestaciji thaj kampsportstreningura. Thaj totalnie cinjilas o kotor katar 2865 aktivitetetura thela 2014-bersh zi kaj 2222 aktivitetura thela 2015-bersh.

E xenofobicno Svenskarnas Parti inkherde o majoriteto anda kadal aktivitetura. Ferik ke pala ke e partia agorisardas peski buchi vaj thele phandade vazdas pe jek kaver gruppa. Kado si e nazisticno Nordiska motståndsrörelsen, varekana kaj bushonas Svenska Motståndsrörelsen vaj e Shvedisko Resitia.

Daniel Poohl pale.

- Kado si maj zurales e maj radikalno thaj violentno kotor anda kadi enviromentia, phenel o Poohl.

E gruppa sas exemplo kherde le attackura karing e anti-rasisticno demonstracia ando Kärrtorp ando 2013-bersh. Ferik ke o Daniel Poohl, dikhel vi jek kaver pharujipe ande organizacia.

- Jek kaver kotor anda aktivismo kaj dikhas si pharo te dikhes opral. Majbut cine gruppi, thaj maj pharesij te les jek intrego patreto pe politicno regiona. Ferik ke kam maj interesno thaj vi daravo: kathe si o sumburo kaj barilas kusa volentarni gruppi ando them vaj medborgargarden thaj phanglimata kaj xenofobicni idealura si. Hulianisticni enviromentiji thaj matacyklake klubbura maj letko shaj phandes tu lende, ke naj musaj o manush te phandel pe kaj jek organizacia kana chi ulaves lenge gindura thaj idealura. Kado kherel ke e enviromentia kerdzol maj liberalno tha butivar maj daraki, phenel o Daniel Poohl.

Thela 2015-bersh phabile but asylantonge khera. Thaj ande but anda kadal fallura gindonas ke shaj sas specialni langa dine, o Expo chi ginavel kadal ande lengi kartografia, anda kodo ke naj normalnie ke varekon si huchildo pala kadal fallura.

- Intrego kadi enviromentia particnie vazde ferik kadal attackura thaj dikhle le sar legitmni bucha te kheres resisto karing e immigracia ando Shvedo.

- Thaj te san konsumento pe kadal gindura, inkherdzos ande digitalno gruppa, atunchi avesa ashardo kana kheres kasave bucha. O fakto si ke but anda kadal attackura karing planovani asylantonge khera sikhaven ke si jek strategicno gindo kana te kheren kado. Jek maj njsisko intensivno terror kaj si kherdo te kheren e buchi maj lokhes te djal, phenel o Daniel Poohl, sherutno ando stiftelsen Expo.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".