Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Maj bare koshti pe khera

Publicime fredag 20 maj 2016 kl 10.08
"Inke choha nas kasave kolejki"
(3:12 min)
Lägenheter
Foto: Jurek Holzer/TT

But anda themeske kommuni poshinen so maj but te zutin manushen kaj naj kaj te soven, sikaven siffri kaj o ekot kherdas .

Kado znachij ke e situasia si maj chorri kodolenge kaske aba pharesi te len kher.
O Vijay anda Jönköping rodel kher aba but bersh, thaj ando paluno bersh pala milaj nas les kaj te sovel.

- Vramasa zutisardas ma o socialo, das ma hotelo thaj pala pare djes trajijas po vandrarhem, pendas o Vijay.

Kanan varikas naj than kaj te sovel, pherel kado obovjonsko, vaj ansvar pe kommuna. Ande akutni situasiji shun manushen po vandrahem vaj den le hotelo.

O Ekot pushlas avri katar 10 kommuni kaj si ruzni bare thaj vi pe ruzni thana ando them, thaj ande sako barile le koshti vorta pe kasave akutni-kherenge situasiji zurales tela 2015 bersh sar duj bersh palpale.

Ando Hela Människans kaj si temporarno than kaj te trajis ando Jönköping trajin manush kas si phari ekonomishno situasia. But anda lende aven andre anda vandrarhem, thaj le kolejki pe kado than barile zurales.

-Tela kadal duj thaj dopash bersh de sar kezdisardas kado , inke choha nas kasave bare kolejki. Thaj but anda lende si familiji, pendas e omsorgsassistentka Helena Jonasson.

O Vijay, kaj po chahes inaches bushol, trajij akana pe kado temporarno than. Vov si bi kheresko aba but bersh, thaj naj les stalo vaj fast buchi thaj naj les chi uzo anav. Vov penel ke sako djes acharel kanan ustel ke kado naj muro, varisavo djes musaj te djavtar.

Pansh anda desh kommuni kastar pushle avri kerdjile le koshti pe duvareste maj bare tela kadal duj palune bersh, thaj maj but ande cine kommuni kaj chi hibasinas khera, sar ando Hultsfred kaj le koshti pe shtarvaleste maj kutchi. O Michael Nilsson si experto pe kherenge pushimata ando Boverket thaj penel ke le komunenge koshti avna inke maj usche, ke aba but manush zukaren te shaj ashen ando them, thaj pa pare bersh vi von rodena khera, thaj ke chi avna dosta khera savorenge.

E Marie Stjernström kaj si sektionschef po socialförvaltingen, penel ke adjes kerdjilas kaver marknad. But nashutne kidepe ando Hultsfred thaj line khera, kado kerel ke manushen kaske pharoj thaj chi birin te pushinen, naj chi interessni le manushnge kaj den khera unzule.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".