Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Analysa pe situacia EU-citizentongi

Publicime måndag 23 maj 2016 kl 14.28
"Site dikhas chi si intereso"
(5:13 min)
Familjen Ciurar från Rumänien
Familjen Ciurar: pappa Ioan, Maria, mamma Maria, Emil och Vetuta. Foto: Dajana Kovacevic/Sveriges Radio

O SKL International AB rhode love katar o regeringo te kheren jek studia pa e trajoski situacia romenge thaj romuniska citizentonge kaj si temporarnie ando Shvedo.

O gindo si te lasharen te trajoske condiciji kadale gruppake manush ande Romunia thaj te dikhen sar shvediska lokalni experienciji shaj aven inkherde ando them.

O Håkan Gustavsson si sherutno ando SKL International AB.

- O gindo si ke ame po than ande Romunia site acharas majfeder sar shvediska kommunalni experienciji shaj aven majfeder inkherde ande Romunia, te lasharas e trajoski situacia romenge majbut, ferik ke vi Eu-citizentonge kaj si phares ando trajo. Thaj kusa kado kamas te kheras bucha, maj lashe possibiliti te djan shavora ande shkola thaj pe diferetni kommunalni bucha kaj si ando Shvedo, phenel o Håkan Gustavsson anda SKL International AB.

O gindo pala analysa inkherdi katar o SKL International AB si te len avri jek lungona vramaki buchi kusa programoske proposalura pe konkretni bucha ande unji politoske komuni ande Romunia kaj pala kode avna ulade pe intrego them.

Thaj kade skirij pa buchi e shavorengi-, phurengi- thaj jekhimaski ministerka e Åsa Regnér pa buchi.

- O regeringo kheren buchi pe but territoriji ke den maj lashe condiciji ande thema kodole manushenge kaj rhode pe ando Shvedo te shaj trajin. Kado si pa vazdini buchi kusa EU, corperaciake kontraktura kusa e Romunia thaj e Bulgaria thaj bucha ando Shvedo. E decisija te zgodzisajvas pe aplikacia katar o SKL pa jek situaciaki analysa si jek importatno paso ande kadi lungona vramaki buchi, phenel e Åsa Regnér.

Thaj pe sa kadi linja djal vi o Håkan Gustavsson anda SKL International AB, kaj phenel te arakhes jek intereso katar e Romunia akanak si o angluno paso.

- Kado kamas te avel lino positivnie ande Romunia, kadi si e angluni. Thaj ame djasa ande komuni ande Romunia te dikhas chi si jek intereso pe jek corperacia vaj buchi khetanes, thaj kadalesa si amari nadzea ke kherla te aven konkretni proposalura thaj sar shaj kheras buchi khetane, kadi studia site den jek proposalo. Thaj kothe kamas ame te shaj hasnisaras o socialno fondo ando EU te shaj djas ande dujto fasa kadalesa, phenel o Håkan Gustavsson majdur.

O SKL International AB si jek konsultaciaki firma kaj si inkherdi katar o Sveriges Kommuner och Landsting, vaj SKL, thaj line 500 000 koroni te kheren jek situaciaki analysa e gindosa te lasharen e trajoske condiciji Eu-citizengonge ande Romunia kusa lokalni shvediska experienciji.

O Håkan Gustavsson phenel ke o fokuso site avel shutini pe territoriji sar edukacia thaj bucha, thaj duvar site traden thele ande Romunia djipon gataj e analysa.

- Dine ame vrama zi ando november shon kado bersh, thaj zi kaj kodo site tradas duvar ande Romunia. E angluni data te dikhas save si e possibiliti thaj o intereso, thaj pala kode las amensa kadal experienciji palpalpe khere ando Shvedo thaj te arakhas proposalura kaj lasa amensa dujto data kana trades kothe te shaj diskutulisaras maj konkretnie so shaj kheras za buchi khetane, phenel o Håkan Gustavsson.

Jek lungona vramako programosko proposalo site aven avri lino kaj si ande jek buchako plano kusa konkretni bucha ande unji romuniska pilot-komuni te shaj djal kado majdur ande intrego them. Djuvlangi thaj shavorengi situacia avla specialnie vazdine kusa le analysura ande buchako plano, phenel o Håkan Gustavsson anda SKL International AB.

- E nadzea si kado te avel jek lungona vramaki buchi mashkar shvediska thaj romuniska komuni, te shaj kheras e situacia maj lashe EU-citizentonge. Jek buthe bershengi buchi kamas ame te shaj las love te kheras.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".