Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Sjukvården- za cera den opre kana chavorenge chorresi

Publicime tisdag 24 maj 2016 kl 12.10
"Daran te den opre."
(3:02 min)
Akutmottagningen vid Sachsska barnsjukhuset (arkivbild). Foto: August Bergkvist/Sveriges Radio
Akutmottagningen vid Sachsska barnsjukhuset (arkivbild). Foto: August Bergkvist/Sveriges Radio

Kaj hibasij zanglipe ando vård systemo pa pravora,chi den opre, iva diken ke chorresi shavorenge.


Kaj hibasij zanglipe pa socialtjänst-pravo thaj anda rangako-systemo ando sjukvården kerel ke e manush kaj keren buchi ando sjukvården chi den opre kana diken ke chavora si ando chorripe. Opral 60 procenti anda personalno ando sjukvården, chi acharenpe sekurni ando regolora, sikavel jekh rodipe kaj kherdas o Göteborgs universiteto.

E Stina Furumark kaj si pilinjarka vaj sjuksköterska pe chavorengi psyhika ando Göteborg penel, ke kado si jekh pushipe ande soste voj mindig marelpe pesa, chi misto kerdas kaj chi das opre vaj chi mishto kerdas ke das opre.

Le rapportora kaj aven andre anda sjukvården si butivar kherde katar doktorora thaj kuratorer. Le sjuksköterskor thaj undersköterskor pzivaznje choha chi den opre, mashkar lende maj but hibasij o zanglipe.

Opral 70 procenti anda sjuksköterskor penen ande studia ke naj pevni pe regolora iva ke o pravo opre te den, si vi lenge.

E Veronica Svärd si doktorand ande socialno buchi ando Göteborgs universiteto, penel ke kado si povazno problemo le shavorenge kaske si pharoj thaj naj dine kodo zutipe kaj sile pravo te aven dine, thaj kado si povazno vi pe vårdpersonalo kana chi den opre, kodo so site avel o pre dino.


Kadi studia sas kherdi pa enketo mashkar o personalo kaj kerel buchi ando vård ande shtar maj bare shavorengi bolnjitsia ando them thaj vi intervjuer kusa 14 kuratorer.

Thaj le atvetora vaj svar sikaven ke stresso, dar te aven darade katar e deja thaj dada thaj vi ke naj dosta pashape po socialtjänsten si e grundora sostar le sjuksköterskor thaj le undersköterskora chi den opre.

Kana le doktora chi den opre si ke kaj naj securni te keren kasavi desicija, daran kam tena hasaren e relatsia le dejantsa thaj dadentsa thaj lengo angluno gindo si mindig o medecinovo zutipe.

E Veronica Svärd penel maj dur ke si pravo thaj sako trubojas te lel kado maj povaznje, thaj ke pala kadi studia kaj sikavel ke o pravo chi funksulij sar kaj truboj, kam trubona te den edjukatsia le manushenge kaske ilija kado ende buchi.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".