Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

E shukarimaski industria barol

Publicime tisdag 24 maj 2016 kl 13.54
Shaj zal zurales chores.
(4:52 min)
Botox
Foto: Ricardo Moraes

Si manush kaj kamenas te parnjaren peske dant aj pabarde tele peske zinzi, uni bararenas peske vush aj barile kade ke paradjile sas vi kade kasave momentura kaj kamenas te len tele peste tatuazura aj pabarde tele peski morchi.

E brancha po shukaripe barilas karing 50 % tela kadal palune bersh. Ale na mindig mishto zal avri.

E Elisabeth Baxter kaj si la lako salongo ando Stockholmo penel ke kaj barol e brancha kade sigo shaj avel vi negativno ke sar barol e brancha baron vi kasave manush kaj keren buchi kadalesa kaj naj seriosni. Kuko milaj avilas late jek kundo kaj shutas peske vundji kaj chi gelas mishto avri.

- Perdo chasura sas po akuten. Kade but klejo shute pe lake vundji ke pe laki morchi das. Paschi 2 chasura las man te lav tele kodo, vi rath folias, penel e Elisabeth Bexter.

Kana o Kilian sas 18 bershengo aj las peski angluni pochin pa buchi tradas neki ando Stockholmo te bararel peske vush. Adjes si vov 25 bershengo aj te kotar aba but bajura keradas ande peste. Ale na mindig gelas leske avri kade sas vov kamelas.

- O shukaripe si jek baro passion mange. Kana achares tu maj shukar kerdjol vi o trajo maj lasio, penel o Kilian.

Pare bersh kodoleske kindas o Kilian pa internet jek drap kaj bararel e vush. Vov las kodo drap aj gelas kaj jek salono kaj shute leske kodo drap ande vush.

Kana avilas khere las sam ke vush so maj bare kerdjonas. Feri baronas taj baronas.

- Muro opruno vush zi kaj muro nak reselas. E vush vunecisajle taj e morchi avri cirdini sas, penel o Kilian.

O djes palakodo acharelas jek choro izo ande pesko muj. Las te foli avri variso anda leske vush kaj paradjile.

O Kilian tradas andre po akuten aj kothe dinè les kortisono aj pala jek gelas but anda shuvlipe tele. Ale sas le gugi ande vush.

O Kilian chi das kado opre pe policia, ke lazalas pe ke vov jek zeno kindas o preperato po internet.

- Me jek zeno simas doshalo. But zene pushlon ma sostar chi gelem kaj jek klinika maj feder..

Adjes buchazi o Kilian sar specialista oe injekcie ande jek salono ando Stockholmo. Sar paradjile leske vush las kaver sar te dikel pe kasave bajura. Akanak varnuli vov peske kundon kana kamen za dur te zan.

- Musaj te arakes balanso aj te avel tu distanso. Aba naj mange kade vazno bare vushtenca. Shaj avel tu maj perdi, feri so si vazno si e forma.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".