Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Boverket: buchi karing antiziganismo po kherengo marketo

Publicime tisdag 24 maj 2016 kl 14.56
"Rhodas romane representanton"
(4:24 min)
Alice Bah Kuhnke thaj Boverket
Regeriungo das buchi khaj Boverket te malavel pe tele deiskriminatcia pe kherengo marketi. Foto: Niclas Åkerström/Sveriges Radio, Franz Feldmanis Boverket.

O regeringo dine buchi o Boverket mashkar e bersh 2016-2018 te vazden o djanglipe pa romengi situacia thaj te kheren buchi karing diskriminacia karing le rom po adjesutno kherengo marketo

Kado si jek kotor anda le regeringoski strategia pe jek romani inkludacia.

E Helene Bogren kherel buchi sar rhoditorka ando Boverket, thaj phenel ke o angluno paso akanak avla te kheren jek gruppa vaj nätverk kusa romane representantura thaj manush anda kherenge firmi.

- Akanak kezdisaras te kheras jek gruppa manush vaj jek nätverk kaj avna andre romane representantura, manush kaj si le khera thaj manush kaj den avri khera po undzilipe, thaj pala kode khetanes ande kadi gruppa site diskutulisaras sar majfeder te kheras kadi buchi. Angla mande si importatno ke manush kaj si hamime vaj phangle ande kado te aven jek kotor anda buchi so ferik kezdijpe te shaj avel le jek possibilita te den effekto ande kadi buchi, phenel e Helene Bogren, rhoditorka ando Boverket.

O gindo pala e buchi si ke o Boverket si te den supporto e gruppa kaj si andre romane representantura, manush kaj si le khera vaj fastighetsägare thaj manush kaj den avri khera po undzilipe vaj hyresvärdar, pala o materialo kaj len avri kusa insatsura vaj bucha kaj vazden manushengo djanglipe.

Thaj kade skirij e kulturaki- thaj demokraciako ministerka e Alice Bah Kuhnke pa kadi buchi pe regeringoski internetoski patrin.

- E situacia romenge pe kherengo marketo si centralnbo anda kode ke del effekto pe possibilita pe inkludiacia pe kaver territoriji. E buchi dini ando Boverket si jek importatno paso angle te shaj kheras jek kherengo marketo bi diskriminaciako, phenel e Alice Bah Kuhnke.

Thaj e Helene Bogren, rhoditorka ando Boverket phenel majdur ke laki nadzea si ke kadala gruppasa akanak kezdina jek produktivno dialogo.

- E nadzea si ke kado dela jek lasho thaj profesialno diskussia kaj ame dasa kaj lashe resultatura. Ferik ke ande buchi si vi ginado andre ke site kheras bucha kaj vazden manushengo djanglipe, anda kode ame kamas kade te ulavelpe but krujal, anda kode ame kherasa e buchi te shaj del so maj baro resultato, phenel e Helene Bogren.

Majdur skirijpe pe regeringoski patrin ke antiziganismo pe shvedisko kherengo marketo si les jek lungo etablovano historia, thaj ke rom si le jek specialno slabo positia. Opre dine fallura ando Diskrimineringsombudsmannen sikhaven ke le romengi possibilita te shaj len kher butivar si limitovano. Romane representantura thaj expertura sikhade ke trobuj vazdine kontaktura mashkar le fastighetsägare, hyresvärdar thaj romane organisaciji te lasharen e situacia romenge pe kherengo marketo.

E buchi dini kaj o Boverket sital inkerdi zi kaj 2018-bersh, si kado jek realisticno vrama pe jek pharujipe ande romengi situacia po kherengo marketo?

E Helene Bogren pale.

- Kadi si e nadzea te shaj das baro effekto thela kadi vrama. Thaj kado si pa attitydura kaj individualni manush thaj kadalesa trobuj buchi kherdini vi skurto thaj vi lungo vrama te shaj das savorende. Muri nadzea si ke avla jek baro pharujipe zi kaj o 2018-bersh, thaj ke kherdam buchi kade te shaj djal e buchi maj angle, te shaj avel kado materialo hasnime vi pala kode ke kadi vrama pe projekta agorisajlas. Ande kodol fallura kaj si maj lungi te shaj avel kadi materialo hasnime vi maj angle ande vrama, phenel e Helene Bogren, rhoditorka vaj utredare ando Boverket.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".