Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Debatto te len tele 15-bershengi limita po kino

Publicime fredag 27 maj 2016 kl 13.30
"Dumot trubojas te anen andre kado pravo."
(4:59 min)
En tom biograf, Rigoletto i Stockholm.
Foto: Dan Hansson / TT

O Statens mediaråd kamel te bulharel o regulo pe 15 bershengi limita po kino

Kado znachij ke 11 bershenge vaj maj purhe birina te djan te diken jekh kino kaj si katar e 15 bersh kethane maj pure manushesa.

Ande jekh aktualno gindo kaj zukarel premissia katar o kulturdepartemento kamel o Statens medieråd o regulo pe kino katar e 15 bersh te bulhol, o Statens medieråd kamel kadalesa te penel ke le dejan thaj daden aba si but responsibilita pe peske shavorengi konsumsatsia pe media thaj feri normalnoj te bulharen kado vi kana avel kaj le kinora.

O angluno grundo si pa shavorengo chachipe oud te avel le informatsia, penel o myndighet.

Te bishaves andre jekh kino ando Statens medieråd kerel love thaj anda kodo naj intregi kinora perdal dikle feri shon atomatishnje 15 bershengi limita. O Johan Karlsson, kaj si verksamhetsansvarig po kinongo dikipe ando Statens medieråd penel ke te bulharena kado regulo pe 15 bershenge kinora shaj vortarela o problemo kaj naj unjivar chi ilij kodi limita pe 15-bersh.

Kado gindo las vi kritika. O shvedikso filmuthyrningsförening, le shvediska filmdistributörerna branchförening, penen ke le responsibilni pe bershengi -limita site aven kodol kon den avri o kino. Kade von line jekhzene o propasalo, kaj avel katar jekh rodipe anda 2014 bersh le gindosa ke e brancha jekhzene site shon e limita, thaj kado mezij pe ke o kulturdepartementet shudas ando semeto, penel o Eric Broberg, viceordförande pe shvedoske filmuthyrareföreningen.

Vov vi penel ke e mediarådet so maj but pandaven tele e desiciji katar maj usche organisatsiji, sar kaj kerde le kinosa "flickan, mamman och demonerna" kaj kherdas e Suzanne Osten. Kote kherdas e mediarådet appelatsia pe förvaltningsdesicija ke kaj das po kino limita pe 11bersh. Le Sveriges filmuthyrareförening chi dikel sar kado nevo pravo shaj zutija te lasharel kadi problematika.

Chi o kulturdepartemento aloja te djal maj dur kadale gindosa po nevo pravo vaj te shunel pe kritika inke konik chi zanel. Feri o Petro kaj si dat penel ke kado pravo vaj gindo trubojas aba dulmot te anen andre, ke kado trubojas te ashel pe sako dej thaj dat pe sosko kino kamen te ingren peske shavoren.

E Bianca thaj o Kraja kaj si po 12 thaj 13 bersgenge penen ke lenge kado si vesolo, ke aba chi truboja te holajven kana chi den andre po kino kaj kamen te diken.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".