Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Daniel Kamel te zurarel shavorengi chib

Publicime måndag 30 maj 2016 kl 11.59
"Shavorengo identiteto"
(5:48 min)
Daniel Samuel Petrilă
Foto: Rikard Parno Jansson

O Daniel Samuel Petrila si 22-bershengo romano shavo kaj trajij ande Romunia. Vov ando Bukarest studiulij romani thaj e romunisko chib te kherel jek fakulteto

Majdur sichol vov akanak vi romunisko literatura, thaj lesko suno si e sicharen romane shavoren e romani chib, te shaj zuraren pesko identiteto.

Kade phenlas vov kana Radio Romano maladzilas lesa ando Bukarest.

O Daniel phenel ke vov las e inspiracia te sichol e romani chib pe ucha shkolako levelo thaj te sicharel shavoren pala kado ke vov nakhlas jek pharo trajo ande Romunia kana sas maj cino. Phenel ke lel sama sar but rom tha specialnie ternjimata ando them hasarde peski romani chib thaj kado angla leste si te hasares jek kotor anda chiro identiteto. Vov kamel te del shavoren thaj terne romen zor ande pesko romanipe kodolesa ke sichon peski chib.

Me maladzilem le Danielosa ande nationalno romano kulturako museumo kana sas kothe phuterdi jek romani shavorengi biblioteka kusa edukaciako materialo thaj literatura pe romani chib. O Daniel sas loshako kana phuterde e biblioteka thaj phenel ke kadi si jek lashi angluni initiativa romane shavorenge ke kathe shaj sichona majbut pa peski historia thaj dejaki chib. Kado vov acharel ke si importatno ke le romane shavoren naj lasho pachape ande peste, thaj kado si leski nadzea ke zurajvela kana arakhen jek zor ande pesko identiteto, jek kotor anda leski solucia pe kado, edukacia kaj sakone manushes si chachipe te sichol.

Ferik ke sar trobj kado kherdo le romane shavorenge te shaj len hasna katar pesko chachipe kaj edukacia ande Romunia. O Daniel phenel ke jek kaver kotor anda problemo opruch le shavorengo pachape ande peste, si e romani diskriminacia kaj si ando them. Thaj vov pachal ke trobuj specialne bucha thaj informaciji shutine karing le shavora te shaj djanen thaj te len von jek zutipe ande peski edukacia thaj te shaj djan maj angle ando trajo sar intregi kaver manush.

O Daniel si 22-bershengo thaj akanak rhodel te kherel jek fakulteto ande romani thaj romunisko chib. Opruch kado studiolij vov vi lingvistika, literatura thaj poezia. Dur avilas po drom kana avel kaj leske sune, ferik ke les si bare planura ando trajo thaj ashilas les inke jek kotor djipon si gata.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".