Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Ulajimasko konferanso pa romani inkludasia

Publicime onsdag 1 juni 2016 kl 16.34
"E rom den insperatsia pe inkludasia."
(6:32 min)
Alice Bah Kuhnke
Foto: Jean Siwak

Adjes simas po konferanso ando norra latin po drottningatan ando Stockholmo kaj kidepe dosta but mansuh vi rom thaj vi gaze.

Te vasden opre sar maj feder shaj resen le gindora pe strategia ande romani inkludasia.

Mashkar kodol kaj sas po than thaj vorbijas sas e kulturministerka Alice Bah Kunke.
Voj penlas kana vorbisardem lasa ke von but citjile tela kadal bersh kaj sas pilotkommuni but lashe bajora thaj but vi kodo so kamen te lasharen, thaj o maj vazno thaj gluvno bajo si ke le rom site aven pangle thaj drivande ande buchi le romenge, vaj pe romani inkludasia. Thaj vi ke truboj pe maj luno vrama angle te keren buchi pe parojimata. Thaj naj dosta kana feri jekh manush marelpe anda romenge chachimata ande jekh kommuna, musaj o ledning te zutij ande kado.

Voj vi penelas ke o rasismo pe rom maj dur zurales andre mardoj ando Shvedo, thaj lel but vrama te pangen kado, oud tena lel manushendar lenge chachimata,, ke maj dur si mansuh kaj chi kamen te pziznalin ke romi.

Voj vi penlas ke akana kezdina kadal bersh te vaden opre maj but le djuvlan.
Kate shunas so penel e Alice ke anda tradiciji thaj kultura, len e morsh maj but than. Thaj kana kezdisarde te diken save desiciji trubon kerde, line sama ke but anda bajora kaj dine resultatora sas kerde djuvlandar. Thaj anda kodo kamen te den maj baro mozlivos vaj posebilita le romane shejan thaj djuvlan te keren effekto pe romani inkludasia.

E insperatsia katar le rom bararel e romani inkludasia, thaj sar te resen maj bari inkludasia, ashel pe kodol kaste si o makto. E Alice penel ke te site avel solutsia pe kado problemo musaj le politikora thaj le tjänstemän ande kommunalni styrelsen, te resen maj baro zanglipe sar te ginaven andre vaj te inkludulin le romen ande buchake planora.


Voj vi penlas ke vasdas e bar vaj e limita pe sar akana avla e buchi kherdi, sakodo so chi gelas avri vaj ke sas negativno site boldelpe ande lashi. Me vi pushlema latar ande soste voj loshal, vaj si dumno kana avel kaj e buchi kaj kerdas le romentsa, thaj voj pendas ke kodole romane representatonsa kasa voj beshelas ande kidimata thaj kerde buchi kethane choha chi dinepe, chi daran katar peski vorba mindig marenpe anda peske chachimata, thaj kado vasdel jekh zhor ando pashape le manushengo kon si diskriminovani.

Kote po than sas vi o marian wida wydow anda rikc ando Malmö, kaj sas pilot kommun mashkar 2012 dji kaj 2015 bersh thaj kade penlas vov pa buchi pe romani inkludasia.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".