Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

O chavoro ando Tanto

Publicime fredag 3 juni 2016 kl 13.35
O chavoro anda Tanto
(4:39 min)
Findus aj Pettson
Foto: Rafal Szoppe

O Fred Taikon barilas aj trajijas kana sas cino chavoro ando Tanto lunden so si jek tan ando Stockholmo.

Kote trajinas efta pral efta familji peske chemnjetca aj chavorentca. Akanak o Fred si te skirij jek kevnja chavorenge sar kado sas kana vof barilas ando Tanto kana vof sas jek chavora. Ande kadi kevnja vof penelas so vof aj e chavora kerenas ketane kana kote baronas.

O Fred Penel ke e kevnja si gata pa e chavora so barile ando tantolunden.


Majdur penel o Fred ke kote kaj barile ando Tanto, e chavora kelenas pe tordzonas po chero aj diljarnas jek jekesa. Kerenas lisapeti, kerenas lådbilar kachtone vordona. Aj sako dzelo so von kerenas si jek historia so o Fred tele skirisardas. O gindo si te aven avri majbut kevnji, aj e chavora te shaj ginaven sar e romane chavora trajinas varikana aj so kerenas, sar kelenaspe che aktivitetora von kerenas che chavorikane nasulimata von kerenas jek jekeske. But zene so ginavena kadal kevnji asana katar kado so kerenas e chavora varikana. Diken o trajo so sas varikana e chavoren ando Tanto. Kado so skirisardem si pa mande aj muri familja so barilas mantca ando Tanto.


O Fred majdur penel si kadi kevnja si e chavorenge te shunen ke si vi kaver aktivitetora sar feri te beshen angla telvizia vaj kompoteri aj telefono. Varikana nas kadal bajora aj e chavora sajek kernas variso. Kam kadala kevnjasa e chavora len inpiracia te keren kaver aktivitetora. Po amen e chavoren so barilam ando tanto mindik sas variso te keras shoha chi beshasas ande jek tan mindig sas variso. Kade pendas o Fred Taikon.


So inke o Fred penel ke kadi kevnja Pojken från Tanto o chavoro anda tanto naj skirime feri chavorenge, kana skiris kevnja chavorenge e vorbi musaj te aven maj lotke kadi kevnja si vi phurenge. But phure so barile kate pindzarena pe ande kadal historji so skirisardem anda kado kadi kevnja si savorenge.


Po agor penel o Fred ke e kevnja aba si gata skirime pe Shveditcko chib, akanak si te avel tulmacini pe romani chib aj avela avri ando september oktober. Kado pendas o Fred Taikon.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".