Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Richia bikindjol pa socialnie medie

Publicime torsdag 9 juni 2016 kl 11.04
Naj amen resursura te ashavas kado.
(4:08 min)
Langning på socialamedier
Foto: Bertil Enevåg Ericson / TT/

So maj but len te biknen alkoholo pe socialni medie. Smart phones taj internet kerdas kado, e manush kaj biknen aresen kaj maj but kundura taj vi maj sigo.

O Marcus kaj si studento pe gymnasia penel ke kodol kaj biknen birin te anen tuke alkoholo kana feri kames.

- Kana zas pe kadal riga po internet mindik arakes varikas kaj biknel alkoholo, adjes kado naj chi sosko djivno bajo.

O Spritlangning vaj o bikinpe po alkoholo pe socialni kerdjol so maj but pe but thana krujal ando them, kodo penel o Ekot kana vorbisarde krujal kaj e policia.

Ale feri ando Stockholmo biri e policia te penel che but kado kerdjol pe. Ando Stockholmo zanen ke si karing 100 konton/profili po Instagram, pe duvarsete maj but sar pare bersh kodoleske. O numero kaj kodo kaj biknel e richia skiripe ande anonsa.

- Vorbis, penes so kames taj zas te anes, penel o Marcus kaj zal po Midsommarkransens gymnasium ando Stockholm.

Te si kade ke pandadjol tele jek konto putren avri sigo jek nevo konto.

- Feri skirin Vodka taj avel tuke opre, dik sodej chi ashadjol.

E Denise kaj pirel lesa ande skola penel ke e ternimata chi diken pe kado sar farligt/daravnes.

- Konik chi dikel pe e risika kade. Ame feri sam 17, 18 bershenge ale kana vorbisaras pa pipé adunchi amenge kodo si normalno.

Naiva e policia aba but bersh zanel pa kado fenomeno baron sajek e konton. Kodol penel o Lars Utter kaj si halado taj kerel kadalesa buchi te katar o 2012 bersh kana liné sama ke si kasavo koncepto.

Vov penel maj dur ke o bikinipe kadal ostatni bersh aba maj phuterdes si, vi mashkar kodol kaj biknen aj vi mashkar kodol kaj kinen. E policia musaj te del jek maj virazno signalo ke kado si ilegalnie, penel o Lars Utter.

- Kado naj okej ke den vaj biknen bajura po internet kaj naj legalni aj ame te na keras kanchi. Baro dilipe si kado. Sar avilon te tordjol varikon po drom aj te cipi " Me biknav richia". Adunchi chak gelon e policia kaj jek kasavo manush te ashavel les tele. Aj kado si sa kasavo bajo feri ke ande jek kaver forum.

Adjes buchazi e policia karing o bikinpe po alkoholo ke len tipsura taj spaning pe droma, ale chi shon peski zor po internet. E langare vaj kodol kaj biknen birin te biknen so maj terne manushenge pe socialni medie. Ale amen naj dosta manushen te shas pe kado, penel e biträdande polisområdeschef anda Stockholm city, Elisabeth Arnestad.

- Pe kadi buchi trubuj amen baro insatso. Aj e socialni medie kerdjon feri so maj bare. Aj kaj naj amen dosta resursura musaj te alosaras kaj shas amari zor.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".