Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Valery Novoselsky 1970-2016

Publicerat måndag 22 augusti 2016 kl 14.16
Valery Novoselsky 1970-2016
(2:54 min)
Valery Novoselsky
1 av 5
Valery Novoselsky pe peski maj agorutni buchi ande Riga Foto: Privat
Valery Novoselsky
2 av 5
Valery Novoselsky beshlas but angla pesko komputeri Foto: Privat
Valery Novoselsky3
3 av 5
Valery Novoselsky tradelas krujal e ljuma pe diferentne romane konferenci. Foto: Privat
Valery Novoselsky
4 av 5
Valery Novoselsky sar jekh aktivito tela Israeloski flaga Foto: Privat
Valery Novoselsky
5 av 5
Valery Novoselsky mukhelas kado patreto - Opre roma Foto: Privat

Vazdas opre RVN - Roma virtual Network 1999, kerdas but buchi kusa nevimata krujal e ljuma pa rom.

Valery Novoselsky arakhadjilas ando bersh 1970 ando Dnepropetrovsk, ande purano Sovjet unia adjesutni Ukraina.


Zhi khaj o bersh 1995 trajijas vov ande Ukraina, Sibiria thaj vi ande Moskva zhi pun vov khidas pe ande Israel khaj vov trajias zhi khaj pesko meripe.

Valery Novoselsky si maj pindjardo anda peski virtualno buchi kusa romane nevimata so vov kerdas ande Roma virtual Network po internet, kaj sas opre shutino pe 33 servrura thaj sas ande 20 chiba krujal e ljuma.

Opral 10 000 manush sas andre skirisarde ande lesko network.

Romano virtualno networko sas shutino ando bersh 1999 thaj sas jekh elektronicno networko khaj individura thaj organizatci paruvnas nevimata thaj romane pushimata.

E nevimata djanas ande but chiba thaj anglishitsko thaj romano sas maj bare chiba ande leski komunikatciaki buchi.

Shaj te phenel pe ke sa manush so rodenas variso pa rom krujal e ljuma pele varikana pe leske buchia so vov mukhlas ande Roma virtual Network.

Valery Novoselsky sas vi membro ande International Romani Union de khatar o bersh 2000 thaj vov skrijas but ba a organizatciaki buchi.

Pasha e buchi so vov kerlas kusa peski virtualno buchi sas vov vi jekh romano aktivisto khaj marlas pe pala e romenge chachimata thaj vov lelas butivar diferentne initiativi khaj diferentne buchia ande romane pushimata krujal europa thaj Israel.

Valery Novoselsky sas vi jekh anda kodol so sas po angluno khedipe so Radio Romano inkerdas kusa shvedicko radio thaj kaver romane journalistura krujal europa kana kerdjiolas o programo Radio Chachimos.

Valery Novoslesky mulas savatone 20 augusti 2016 thaj mukhlas jekh baro shushipe pala peste, na feri peska familjake feri vi e romane aktivistonge, romane politikonge thaj a romana mediake krujal e ljuma.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".