Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani

Nasul kemikalie ande zvikli khereske produktura

Publicerat måndag 29 augusti 2016 kl 11.43
Maj but si ando kovlo plastiko.
(3:12 min)
Stor blå pilatesboll. Grönprickigt duschdraperi.
Foto: Fredrik Sandberg, Henrik Montgomery/TT.

O Kemikalieinspektionen kerdas testura pe odinarnie plastikovi bajura kaj sakones si keres aj arakle gifto ande lende maj but ando plastiko kaj si kovlo/mjukplast.

E Frida Ramström savi si inspektorka ando kemikalieinspektionen del exemplo:

- Shaj avel ande bajura sosa trenulis, ande ruzni materialo sar inredning, ande lazienka sar e firanki ando duscho, ande techi. Perdo ruzni bajura kaj kerde ando kovlo plastiko.

- Araklam ämnen vaj bajura kaj si andre bajura kaj kovljaren, aj kodo shaj rumuj e manushes. Araklem vi phare metalura sar bly taj kadium.

O Svenska Dagbladet skirisardas adjes pa kontroli, kaj kerde pe 160 zivkli sako djeseske bajura. Ande 82 anda lende arakle nasul kemikalier, ande 14 sar kade but e kemikalier ke chachimasa naj slobodo te biknes len. 10 anda lende sas klorparaffiner, kaj shaj lel o manush cancer taj gusha.

Kana si uche dosi klorparafin shaj kerel kade ke e manushes maj phares si chavora.

- Naj ke akutni efektura kerdjorna kana san konsumento ale vramasa rumuj kade ke nashtik aven tutu chavora taj shaj les cancer, aj rumuj vi la natura.

- Aj vi kodol kaj keren e varor vaj e bajura shaj nasvajven.

20 fallura si opre dine kaj o miljöåklagare.

Sar avilas avri kado undersökning vaj rodipe ashade but företagura te biknen e produkti, ale te kames te na kines plastiko kaj si andre kadal kemikalier mishto avilon le sungas pe leste.

- Uni anda kadal bajura kanden zurales. Kodo si jek indikacia ke o plastiko si anda maj choro kvaliteto. Adunchi shaj suspektulis ke si andre e nasul kemikalier.

- E kand si kemitsno navet benzina shaj kandel, penel e Frida Ramström.


Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".