Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Rom si edukimo policiako oficiri

Publicerat onsdag 14 september 2016 kl 09.43
Petr Torak edukimo rom andi Policia
(6:32 min)
Petr Torak kerol buchi sar Policia andi Bari Britania
Petr Torak kerol buchi sar Policia andi Bari Britania Foto: SR/Radio Romano

O Radio Romano kana sas milaje ando Prag maldjilo e romesa Petr Torak, savo kerol buchi andi Bari Britani sar policiako oficiri.

Vov birisarda te mukhel o Cheho thaj djal te edukilpe andi Bari Britania sar policia so mashakr e roma avdjes ande luma naj but djene.

Kaj si but problemia e romenca save traden andi Bari Britania, vov vi kerda jekh asociacia savi pushol Gypsy Roma Traveller Police Assocition. Jekh asociacia svi ka del e romen zutipe thaj e roma te pachan pe ljende.

Me kerav maj but pe puchimata kana vorbis pa o trafiking, prostitucia so chon zorasa e manushe te keren bucha sar robia vaj slavar thaj ando paluno vreme vi kerav buchi kana kerolpe vi kriminaliteto. Thaj ando paluno vreme but buchi kerav e romenca savenge trubl zutipe kana akharten andi policia. E roma aven katar e teluni evropa sar so si e Bulgaria, Rumunia, Cheshak, Solovachka thaj Polska.

Ando puchipe savi si e reakcia e romngi kan dikhen kaj jkeh rom kerol buchi sar policia, so si mashjkar e but romane vice shaj te phena tabu te kerope gade buchi kaj si e romen but bi lachi experienca historichno o Petr Torak phendas gade.

Kana ljiljempe te kerav buchi e reackia chi sas mishto but ljendar daran thaj chi pachana pe mande. Numa odoljen saven sas shansa te pindjarenma sas gade kaj von diljlje kaj me sem jkeh fer policia thaj te saljen varesavo probljemo me zutiv ljen, odla save kern varesavo probljemo vi te aven me amla me musj te astarvljen thaj phanva ljen sar so phenol o regulo vaj o zakono.

Numa savo efekto sas pe ljeski familjia katar e romengi rig, sar e roma dikhen pe ljesko dad dja, pe ljeske pral thaj pheja kaj o Petr si policia avdjes thaj kaj vi phanavel e romen kana o zakono rodel godo ljestar gade vov phenda.

Kana ljiljempe buchas sas phare sar so phendem, jekh grupa sas positivno thaj sas losake so me sem policia numa sas vi negativno cikno gendo roma save darade mungre familjia, von phende kaj ka phabaren ljengo khere. Gade sas numa kana ljiljempe buchas numa akana, kana dikhen sar me kerav buchi dikhen positivno.

Numa ando puchipe sar keres komunikacia e romnca saven astares sar policia kan keren kriminaliteto? o Petr Torak phendas.

"Me sem policia thaj mi buchi si te arakhav o zakon sa godla save keren varsavo kriminaliteto me musaj te kerav godo so rodelpe mandar"

Sar exemplo jekh romni chinda e bal pire chijake so phirl but, so andi Bari Britani godo phagol o zakono me geljem thaj phandem lake da akija si mi buchi.

Petr Torak vi phnol sar vorbil ljenca romen vaj pe engelzicko chib?

Me vorbiv vi romens thaj vi pe gadjikani chib savi von hacharen, ciljo si te kerav mi buchi fer thaj profesiolno sar e romenca gade savorneca.



Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".