Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

IRU-khedipe ando Stockholm

Publicerat måndag 3 oktober 2016 kl 14.01
"Keras jekh promocia pe amari strategia"
(7:02 min)
Miranda Voulusranta mashkaral anda ERTF.
1 av 2
Miranda Voulusranta mashkaral anda ERTF. Foto: Adam Szoppe/ Sveriges Radio
Gostura anda Bari Britania so si ando IRU
2 av 2
Gostura anda Bari Britania so si ando IRU Foto: Adam Szoppe/ Sveriges Radio

Khedipe pa e strategia so IRU - International Romani Union mangel te vazdel opre ande pengi buchi mashkar e bersh 2017-2020.

Jekh promocia pe romani strategia so IRU kamel te kerel vramasa maj angle, phenel o Zoran Dimov khaj si presidento ande kado IRU.

E buchi so IRU sikavel si bari thaj bulhi kusa but diferentne buchia te zurarel pe e romani zor thaj te avel maj feder e romenge ande intrego Europa.

Rosita Grönfors anda shvedo si uci funcionerka anda IRU komisia pe djuvlikane pushimata thaj chachimata, voj sas vi kodi so akhardas e romen ando Shvedo pe kado khedipe.

Voj phenel ke voj dikhel ke e buchi djal mishto anglal, si len jekh lashi strategia khaj voj pachal shaj te djal maj angle.

Rosita Grönfors phenel vi kodo ke voj acharel ke voj si dosta nevi ande kadal internationalne buchia kusa IRU feri pachal ke la si but experiensa kusa peski buchi so voj inkrel ando shvedo kusa Romska och resande kvinnojouren khaj voj zhutij e romnian ando shvedo thaj pachal ke lake experiensi shaj te djan mishto vi ande kaver thema.

Jekh barvalo programo sikadas IRU thaj pe but buchia trobuj but zor thaj vi ekonomia.
Miranda Voulusranta khaj si Presidentka ando ERTF sas po than, voj vazdas opre jekh pushipe pa ekonomia.

Ke kana jekh bari organizatcia sar IRU mangela love khatar EU musaj IRU te shiol pashe jekh kotor anda e foundatcia korkori thaj pasha kodo musaj e organizatcia te sikavel peske purane bershenge sikajimata ande ekonomiake buchia.

Miranda Voulusranta anda ERTF phenel ke si love ande EU khaj birin e bare organizatci te roden feri musaj but lila thaj buchia te aven sa po than.

Love si ando EU, phenel e Voulusranta feri but romane organizatci chi sikaven sa so trobuj te sikavel pe kana rodel pe foundatcia khatar EU thaj kodo kerel ke butivar perel kodi ekonomia tele ke naj sa e lila po than.

Akanak zumavel IRU te vazdel opre fundatcia ande Organizatcia te birin von te shion e strategia ande realizatcia.

Kana Radio Romano pushel khatar o Khuraam Khan khaj si sherutno pe finansia thaj budjeti sar e buchi djal kusa e fundatcia thaj vaj si varisave love ando konto te rodel IRU love khatar EU, phenel vov ke kadi si akanak lengi prioritatcia te roden fundatci.

Khuram Khan chi birij te del atveto vaj si akanak momentalno love ando IRU feri phenel ke kado musaj e organizatcia te vazdel opre thaj ke kado si jekh vazno buchi ande IRU.

Kana Radio Romano sas po khedipe so IRU inkerdas ando Stockholm savatone sas sa e vudara puterde amenge ande Media , atvetura sas dine lendar pe amare pushimata, vi te sas phare pushimata pa ekonomia denas von atvetura.

Kado kerel IRU ke amen naj so te garavas khatar e rom, ande ljuma feri ame kamas te vazdas opre e buchi pe jekh pozitivno rig te sikavas ke ame sam chache,
phenlas o Zoran Dimov khaj si presidento ande kado IRU.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".