Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Dejaki chib ande skola

Publicerat onsdag 5 oktober 2016 kl 13.24
"Zafse moginen butetir te siklion"
(4:13 min)
Zhutipe ande dejaki chib ando Malmö.
Zhutipe ande dejaki chib ando Malmö. Foto: JESSICA GOW / TT

Marek Bogelund si jekh anda kodol cera sikavne ando Malmö thaj vov si jekh polsko rom khaj zhutij e romane chavoren ande dejaki chib.


Marek Bogelund si sikavno ande dejaki chib thaj pasha kodo zhutij e romane chavoren vi kusa kaver zhutimata ande skola sar matematika thaj shvedicko chib kusa dejaki chibako zhutipe modersmålsstöd.

Marek Bogelund si polsko rom thaj phenel ke si but romane chavora khaj si zurale ande romani chib feri kamel vi te zurarel kodo ke edukatcia ande dejaki chib feri vi zhutipe ande skola pe romani chib.

Khatar o 1 juli 2015 si e studenton khas si jekh nationalno minoritetno chib sar dejako chib chachipe te lel maj but zhutipe ande skola sar kaver studentura khaj vorbin kaver chiba sar shvedicko chib.

Sar e romane chavoren si chachipe vi te alosaren savo romano dialekto von kamen te sitchion, feri ande praktika naj kade ke naj mindik sikavne khas si kodi kompetencia te zhutin e romane chavoren.

Anda kodo si akanak jekh edukatcia pe uce studi ande Södertörn Högskola, khaj o Marek phirel kavere romenca anda intrego Shvedo, kadi edukatcia si te zurarel e sikavnen ande lengi buchi.

Ando Malmö si but Romane dialektura thaj o Marek inkrel jekh romano dialekto so e Polske Roma vorbin, jekh dialekto so ame anda Radio Romano lam sama ke but instansura bisterde kado dialekto thaj naj butivar boldimata ande kado dialekto sar ande kaver dialektura sar Lovari, Kelderash thaj Arli.

Marek Bogelund phenel ke vov sar Polsko rom shunel but pa Polske Roma feri ghindoj ke shaj te avel kade ke si kado dialekto bisterdo ke shaj te avel kade ke e Polske Roma nas angazovane ande romane pushimata sar e kaver grupi.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".