Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

O alosaripe ande Amerika

Publicerat tisdag 8 november 2016 kl 10.15
Historicno elekcia
(4:07 min)
Grafik: Liv Widell / Sveriges Radio
Grafik: Liv Widell / Sveriges Radio

Thela paluni vrama pharesij o manush tena lel sama ke o maj centralno temato ande majbut mediji so si alosaripe kom ashela presidento ande Amerika.

Ferik ke kadi alosarimaski perioda ando them skihadzilas ke si maj specialno sar le kaver, sostar? O atveto si le duj presidentalni kandidatura kado razo.

Pe jek rikh shaj avla angluno razo ande historia jek djuvli presidento ande Amerika, thaj pa kaver rikh o pindjardo businessmano o Donald Trump kaj paluni vrama sas ande but kontroversialni situaciji anda kodo so phenel pa djuvla, diferetni rasi manushenge thaj leski politicno ideologia kaj but djene acharen ke si konservativno thaj xenofobicno.

Ferik ke sode chachimasa djanas pa kadal duj manush, kaj jekh anda lende ashela o maj auktorietno manush ande phuterdi luma. Djas palpale eksera ande historia.

Kezdisaras kusa Hillary Clinton:

Angluno so shaj phenas pa e Hillary Clinton si kado si lako dujto razo kaj jekzeni zumavel te avel ando White House sar la Amerikako presidento. Ando 2007-bersh sas la ambiciji te djal ando alosaripe, ferik ke vestosardas karing o Barack Obama, kaj atunchi kerdzilas le demokratongo presidentno kandidato thaj pala kode presidento.

Ferik ke aba sar e first lady vaj e presidentoski romnji kana saso Bill Clinton presidento, sas vazdino lako anav ande politicno agenda. Ando 2009-bersh mukhlas e Clinton o Senato thaj sas alosardi sar la Amerikaki avrithemutni ministerka katar o Obama.

E Hillary Clinton sas thela paluni vrama ande kritika ke konfedentialno informmacia hasnisaras pa jek privatno email-server thaj kadalesa rizikulisardas amerikanisko securita.

Donald Trump si le republikanongo na zukardo presidentkandidato ande kadale bershesko historicno amerikanisko alosaripe, ferik ke kon si kado manush.

So shaj phenas si ke e politicno karriera ande lesko trajo si vareso relativnie nevo, vi te sas zumajimata pe kado de but bersh palpale. O Donald Trump las te buchazij ande kherengo marekto po Manhattan thela 1970-bersh, thaj dosta sigo kherdas peske jek anav. Leski decisija te kherel kadalesa buchi sas inspirovano katar lesko dat o Fred Trump.

Donald Trump sikhadas sigo ke sas les bare planura thaj maj liberalnie hasnijas undzile love te bararel pesko businesso. Ferik lesko ekonomicno succeso kherdas anda leste o maj pindjardo thaj maj kontroversialno businessmano ando New York.

So pindjaras si ke o Donald Trump pe pesko anava thela le bersh kherdas but love thaj vi slava, de katar hotellura, kasinura zi kaj NBC: realityseria "The Apprentice". Ferik ke aba ando 1999-bersh sikhadas o Trump gindo te djal ande politika, kana kamleas te kerdjol presidentkandidato ando alosaripe ando 2000-bersh, ferik ke das pe palpale pala kode ke chi birisardas te khidel dosta glasura ande Kalifornia.

Ando 2012-bersh las o Trump te phenel phuterdes ke djala ando alosaripe and 2016-bersh. Thaj de lungo vrama sas jek anda maj bare phuterde kritikura po presidento Barack Obama.

O 16 juni 2015, phendas o Donald Trump officialnie ke kamel te avel la republikanisko partiako kandidato, thaj jek bersh pala kado kerdzilas vorta kodo pala ke khidas but glasura ande primerni alosarmata.

O thela bersh sas thela but skandalura phangle kaj leske businessura kaj manush denas les ande krisi, thaj paluni vrama sas phendo buthe rigandar ke leski politika si xenofobicno thaj ke butivar phendas sexisticni kommentatura pa djuvla.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".