Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

"Chorde muro identiteto"

Publicerat torsdag 27 oktober 2016 kl 13.38
"Darajlem kana avile lila pa kredito"
(6:09 min)
Id-kapning
Aven pochinimata kana chi khindan variso pa internet.

Ande paluno bersh sas opral 185 000 buchia opre dine khaj e policia khaj variokhon khinel bajura pe kaverenge identitetura.

Mako Burjanski darajlas kana achardas ke varikhon zumavel te khinel bajura pe lesko anav thaj chi kamelas te pachal ke varikhon khinelas bajura ande lesko anav.

Vov ghindojas ke kam feri sas jekh cino rakloro khaj zumadas peski baht, feri po dujto djes darajlas vov zurales ke atunchi avnas lila khatar kreditove firmi, thaj atunchi achardas vov ke kado ke vov nakhelas jekh Id-kapning ke varikhon chordas lesko identiteto thaj zumaven te khinen kuch bajura ande lesko anav.

Kado so o Mako naklhas nakhen but manush sako djes ando Shvedo, e policia zumavel te del e manushen varningura ke si kodol so zumaven te khinen bajura ande kavere manushenge anava.

Jan Olsson si anda policiako nationella bedrägericentrum, von keren buchi kadale buchianaca thaj kaver hohajimaske kriminalne buchia.

Vov phenel ke o maj normalno hohajipe si kana varikhon len e manushenge kartci vaj lenge bersheske dati.

Jan Olsson anda policia phenel ke zurales lokho si te chores varikasko identiteto ando Shvedo thaj kodo si ke si jekh zakono khaj bushiol offentlighetsprincipen khaj e raj musaj te den tut kadi informatcia thaj naj lenge slobodo te pushen sostar tu kado manges thaj kon tu san.

Khatar 1 juli kado bersh kerdjilas pe kado ilegalno thaj kriminalno kana kerel pe Id-kapning pe varikaste feri maj dur kerel pe kado sako djes.

E policia del vi informatcia sar e manush te keren kana kado kerel pe ke e manush chi djanen chachimasa so te keren kana peren ande kadi situatcia.

Kade sas vi e Makoske kana vov las sama ke nakhlas Id-kapning.

Kado ke si but Id-kapningar kerel ke but manush daran te khinen bajura kusa penge kartci.
Jan Olsson anda Policia phenel ke e manush chi trobun te daran feri te len sama pala pengi pocta ke o manush chi birij chachimasa te garudjiol khatar kado.


Jan Olsson anda Policiako nationella bedrägericentrum phenel ke o manush musaj te lel sama pala sa peski pocta thaj te lel kontakto kusa e diferentne kreditove firmi te si kade ke peres ande kasavi sitatcia.

Vi o Mako kerdas kado feri vov las sama ke si dosta but kreditove thana khaj musaj te vorbij pe ke naj dosta feri te vorbij pe ande jekh than.

Mako Burjanski phandadas pesko anav tele anda sa e kreditove firmi thaj phenel ke akanak chi birij vov korkori te lel kredito tela jekh bersh te avla kade ke trobuja les kado.

Pasha kodo arakhlas vov jekh insuranso khaj UC khaj pochinel pe ekcera love thaj lel pe jekh zurali protektcia karing kadal ilegalne buchia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".