Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Kaos ande trafika

Publicerat torsdag 10 november 2016 kl 11.38
Chi soske mashinki chi birin te shilaven kado jiv.
(3:15 min)
Fortfarande står många bilar kvarlämnade på vägarna runt Stockholmsområdet.
Fortfarande står många bilar kvarlämnade på vägarna runt Stockholmsområdet. Foto: Fredrik Sandberg/TT

Perdo trafikantura ashile mashkaral po drom sar las te perel o jiv arachi.

 Inke naj jek chachi prognosa kana e droma avna dosta lashe te shaj traden e manush pale pe lenede kade sar so trubuj. E Motormännen dine bari kritika sar kerde te len tele o iv pa droma.

- Chores mezi akanak, o problemo si ke intrego vrama aven neve tirua/truckura taj ashon po drom, penelas o Per Broström produktionsledare anda Trafik Stockholm.

E trafikako problemo si baro ande intrego Sthlm. Arachi sas o Essingeleden tele pandado aj e manush chi birinas te traden chi angle aj chi palpale.

- Si bandvagnar kaj shaj shutamas, penel o Broström. Ale kadi desicia inke naj lini.

Arachi pala 12 perachate nas inke chi soski prognosa kana e trafika pale mishkia pe. Pe droma tordjon vurdona taj tirura kaj mekle e manush rapportuli o Trafik Sthlm.

- Kana avel kade but iv tela jek skurto vrama chi birin chi soske mashinki ande luma te zutin te shilaven sa kado iv. Kana shiladam o iv perel pale nevo iv, taj adunchi pale kezdisaras anda agor, penelas o Bengt Olsson, presschef anda Trafikverket.

O Traffikverket lundjardas peski buchi penge vurdonenca kaj shilaven o iv, aj kade kerena intrego rachi.

Chi sanas preperime?

- Chi samas chores preperime, zanasas ke sas te perel o iv. Ale si perdo vurdona kaj chi birin te traden ande kasavo iv, taj kodo kerdas amari buchi maj phares ke ando drom sas amenge, penelas o Bengt Olsson maj dur.

Sar avla tehara?

- Pe riksvägarna kaj si amari responsibiliteta keras buchi intrego rachi, avla dosta mishto feri avla chushkasho. Musaj lashe roti te aven tu pe chiro vurdon, aj kodo naj savoren.

Katar e Motormännen avilas bari kritika sar inkerde ande kadi buchi.

- Kadi si jek uladi responsibiliteta mashkar e komuni taj o Trafikverket aj vi e bare firmi kaj inkren ande kado, kollapsa kerde kadi data, penelas o Mikael högskoog pressansvarig anda Motormännen.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".