Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Petro: Adjes phenav ke sim rom

Publicerat måndag 14 november 2016 kl 13.43
"Vaznoj te phenes kon san"
(5:46 min)
Silhuetten av en man som går med målmedvetna steg. Foto: Fredrik Sandberg/TT

Petro anda Stockholmo paschi intrego pesko trajo garudas pesko romane identiteto anda officialni situaciji sar ande buchi thaj mashkar gaze.

O Petro daralas tena avel kade ke manushenge xenofobicni gindura karing le rom dena effekto pe leskte thaj ke dikhena chorres pe leste.

Ferik ke adjes o vov alosardas tena garuvel pesko romanipe majdur, thaj phenel officialnie ke vov si rom, vareso so las lungo vrama leske, thaj vi sas pharo ke aba kana terno sas las sama ke si baro rasismo karing rom.

Kade phenel vov peski historia amenge ando Radio Romano.

O Petro phenel ke o plano te kherel buchi sar sumnakari kezdisajlas leske kana dikhlas ande jek bolta sar jek manush kherlas buchi sumnakasa, les chalilas e buchi thaj kaj djalas mishto o sumnakaj pe kodi vrama las vov thaj alosardas ande gymnazia te studiolij o sumnkasko faho, kaj sas ferik pe jek than pe kodi vrama ando Mjölby e gindosa jek djes te avel les leski vlasno sumnakaski bolta.

Ferik ke o Petro sigo vrama las sama ke o drom zi kothe naj kade letko ke musajas te garuvel kon vov si.

Diskriminacia, xenofobicni gindura thaj rasismo karing le rom kherdas ke o Petro vi pharudas pesko anav pe jek shvedisko, tena avel varesoski suspekcia karing leste kana presentulij pe ande buchi. Vov lelas sama tena hasnij e romani chib kana sas pe buchako than tena pindjarel varekon ke vov si rom. Ferik ke sa kado khidas pe sar jek pharipe leske, thaj na domut kodoleske las o Petro e decisija ke aba chi garavla pesko romanipe. Thaj kado phenel vov ke si sar jek pharipe kaj vazdas pe pa lesko ilo.

Adjes birij te phenel o Petro ke buthesa majfederij sakone manusheske te phenel kon si thaj tena garuvel peske identiteto, ke kodo si jek kotor anda kon si o manush. Ferik ke sar tena avel si romen kaver gindura katar manush karing sar kaver natciji, thaj kade phenel vov terne manushenge kaj daran te phenen kon von si pe buchi vaj ande shkola.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".