Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Hohavne kontura pe socialni mediji

Publicerat tisdag 15 november 2016 kl 12.23
Policia: Phares te arakhes doshales
(3:48 min)
identitetsanvändning
Sanja Miljanic sas chordi laki informacia po Facebook. Foto: Caroline Kernen/Sveriges Radio

Opral e 6 000 opre dine fallura kaj policia pa illegalno hasnipe pe kavereski identiteta sar exemplo ke chores varekasko patreto pe socialni mediji.

Kado de sar o nevo zakono kerdzilas aktivno milaje. Ferik ke de sar kodo ferik jek manush sas dino krisi anda kado thaj las convicto.

Jek anda kodol kaj nakhle kado si e Sanja Miljanic.

- Gratsaj ke varekon vorbisardas ande muro ananav, phendas babjura kaj me chi phendemas. Kado kherel ke chorre acharav ma, chi djanav pe soste kodo manush hasnisardas kodo profilo, phenel e Sanja Miljanic.

Jek anda laka amala bishadas lake o link kaj voj khikidas. Sikhasdzilas ke kodo sas jek konto po Facebook kusa pherdo patretura pe late, ferik ke kusa jek kaver anav.

"Dostajij ferik te kherel pe nervi vaj te kezdis varekasa"

E nevi rubrikacia "olovlig identitetshandling" vaj illegalno hansipe pe kavereski identiteta kherdizlas aktivno sas zakono ando juli shon milaje kado bersh. Kodo znachij ke akanak si kriminalnie te hasnis varekaski identifikaciaki informacia sar exemplo ande socialni mediji. Kado shaj del mandato vaj majbut duj bersh temlica.

E policia phenel ke dostajij varekon te hasnij kavere manushesko foto po Facebook vi tena naj te kherel varekon love pe kado, ta ferik te kezdij varekasa.

- So ferik si kade ke kodolesa kaj kezdij si leske chorres, na ekonomicnie, ferik ande emociji te avel kodo manush dukhado, atunchi kado si jek kriminaliteto, phenel o Jan Olsson kaj si sherutno rhodimasko vaj förundersökningsledare ande policiako Nationella bedrägericenter.

"Phares te arakhes varekas kon si doshalo"

Thela kadal shtar shon kaj nakhle sas opral e 6 000 kriminalni bucha opre dinie kaj pe policia pa illegalno hasnipe pe kavereski identiteta, ferik ke jek manush sas opre dino thaj convictovano anda kriminaliteto. O Jan Olsson phenel ke ande but fallura shaj avel phares te arakhes varekas kaj si pindjardo.

- Majbut anda kadal fallura chi avna dena po agor, ferik ke shaj rhodas chi varekon hohavel ke si varekon kaver, zipon kherel jek kriminalno buchi..

Vov phenel ke e themesko signalo si kodo kaj si maj importatno kusa nevo zakono.

- Me gindoj ke unji procenti anda kodo kaj hasnisarde kavere manushesko indentiteto te kezdin varekasa shaj dena pe gindo jek extra razo kana djanen ke shaj len zi kaj e duj bersh temlica anda kado, phenel o Jan Olsson anda policia.

Ferik ke e Sanja Miljanic chi pachal ke e policia arakhla kodele manushes kaj kherdas jek hohavno profilo ande lako anav.

- Sajek majfeder acharav man kaj opre dem kaj e policia, ke chorresij mange ke varekon kade lungo hasnisardas muro profilo, phenel e Sanja Miljanic.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".