Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

So kerel pe kusa o Romanipe?

Publicerat onsdag 16 november 2016 kl 13.35
"Naj amen kodo so sas maj anglal"
(5:15 min)
Josef Stojka
Josef Stojka Foto: Adam Szoppe/ Sveriges Radio

Josef Stojka jekh rom anda Tjeho phenel sar vov dikhel po Romanipe thaj so hibazi ando Romanipe adjes.

Romanipe hasajvel po ekcera thaj e dosh khaj kodo si ke e rom chi inkren jekh kaveresa sar maj anglal phenel o Josef Stojka jekh rom so trajij ando Tjeho thaj kerel buchi kusa o romano pushipe.

Josef Stojka phenel ke o romanipe si barvalo thaj vi zuralo feri vov las sama ke e drogi line than ande but thema khaj trajin e rom thaj kado romusardas zurales but ando romanipe.

E phure rom hasarde pengo auktoriteto thaj but rom kamen te trajin jekh nevo trajo, feri kado si pharo e romenge ande but thema ke but gadje si nasul e romen thaj chi den e romen chansa.

Kado kerel vi kodo ke e rom peren ande jekh situatcia ke chi djanen karing te bolden pe, te inkren pe ande purano zuralo zakono vaj te bolden pe karing jekh nevo trajo khaj chi djanel pe 100 procenti so djukarel jekhes thaj butivar kerel kodo ke e romane familji shaj te peren ande bare holja thaj kado kerel ke e rom shindjion jekh kaverestar.

Josef Stojka kamlov e rom te djan khaj e maj phure te len palpale pesko romanipe te na hasajvel o shukar romano trajo, vov phenel ke si jekh drom thaj kodo si vi o pachape ando del ke kodo shaj te zurarel.

Jekh kaver zuralo punkto si vi e romani kris ke kado inkrel e romane zakonura, ke e romani krisi zuralel o romanipe thaj kado kamlov o Josef Stojka te avel maj but mashkar e rom ande Europa.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".