Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Romane chavora kaj tulmacin

Publicerat tisdag 29 november 2016 kl 15.03
Tolk
(3:43 min)
barn tolk

Kana o programo Tendens anda P1 Sveriges Radio pushlas katar 400 terne save si 13 14 bershenge, aj kaj si kade ke lenge deja aj dada si anda kaver thema.

But anda lende pende ke von butivar musaj sas te tulmacin peske familjake vaj kavrenge ande lengi shemia. Jek tan kan but zene zutisarde te tulmacin si e bolnjici vaj vårdcentralora.

Ame po radio romano vorbisardam kaj jek chej e alicia te shunas so voj penel amenge pe kado temato sar si kana san terno aj tulmacia chire phurenge vaj familjake.

E Alicia naj jegzeni ande kado te tulmacij aj te zutij peske phuren kana e phuren sas kontakto e themesa vaj ande oficialne butca kasave sar te ginaves lila pe shveditcko chip aj te zutis chira familja ande kasave butca. O programo anda SR Tendes kerdas jek investigazia aj pushlas kathar 400 studentora aj kas si deja vaj dada anda khaver thema aj lendar o Tendes phushlas chi von varikana tulmacisarde aj zutsarde varikas ande peska familja.

Zurales but anda lende phende ke kado butivar kherde.

Ando Norvego si pravo katar juli o bersh 2016 ke temeske organizatci nashtik mangen e chavora te tolmacin. Ando shvedo kado pravo naj, aj na regulura anda socialstyrelsen.

Jek bari problematika so si kana chavora tulmacin si ke e vorbi so e organizatci vaj e boljnici penen si e chavorenge zurales phare, so inte si phares si ke na mindig e familja kamel o chavoro te shunel sako falo, aj vi si phares sar o doktori vaj kaver oficialno manush si te vorbij vaj pe kaste te dikel.

Ando regeringskansliet si shuto jek grupa so si te kherel butci kadale problemosa, ande kadi grupa si 5 departamentora aj von si te gindon avri sar te aven majbut tulmaca. O Utbildnings departamento phenel ke kado kaj chavora tulmacin si jek simptomo ke za cera tulmaca si ande jek tem.

Jek gindo so avilas avri anda kadi investigacia so o Tendens anda SR kherdas si ke kana chavora tulmacin peska familjake kado kherel jek maj baro pashipe karink jek jekeste. Kado si ke e chavora shunen sar aj so kherelpe ande familja, von si maj andre ande familjake phushimata aj kado zurarel vi e chavoren aj vi e familja.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".