Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Thom Lundberg: kado si diskriminacia karing resande rom

Publicerat torsdag 1 december 2016 kl 14.56
"Kado si jek pechata majdur majdur si"
(6:06 min)
Thom Lundberg författare. Foto: Martin Stenmark.
Thom Lundberg skiritori pala kenvja "För vad sorg och smärta" Foto: Martin Stenmark.

O Thom Lundberg resande rom thaj o skiritori pala e kenvja "För vad sorg och smärta" pa le resande rom opre das o SVT-programo Historieätarna.

Kana hasnisarde e vorba "Tattare". Vareso so vov acharel ke sas chorres hasnime thaj si negatvino karing le resande rom.

Thaj kade skirij o Thom Lundberg pe peski Facebook-patrin:

Mure manush resandefolket/romanifolket, jekh anda le Shvedoske panch protectovani minoritetura (e maj bari thaj maj phurani ande gruppa rom), kaj si la jekh protectovano minoritetno chib, si phendo le late ande Historieätarna jekh anda maj popularni programura ando SVT pe diskriminaciaki vorba "Tattare".

Kade phenel o Thom Lundberg sostar vov kade reagulisardas kana ame anda Radio Romano kherdam leske telefono.

- Generalnie acharav me ke o programo Historieätarna si jek lasho programo, ferik ke ando kado programo kaj ghelas lujine si man kritika pa duj righa, jekh kotor si sar hasnin e vorba "tattare" thaj sar si sikhade le resande manush. Thaj mashkaral ando programo avel kadi vorba kana vov biton site zumaven te aven "tattare" thela jek vrama. Thaj kadi si jek zurales negativno vorba karing le resande rom kaj mukhlas jek pechata zi kaj e adjesutni generacia resande rom, phenel o Thom Lundberg.

Kaj majdur phenel ke kado so sas phendo ando SVT-programo si antiziganismo thaj ke vov das opre le programo thaj mangel kavere manushen te kheren sa kado. Ke kadi vorba mukhlas dukh pala peste phenel o Thom Lundberg.

- Kado vorba das trauma buthe manushen, kherdas ke but djene chi kamenas te djan palpale ande shkola pala kode ke le sichara phende pe shavora "tattarunge", thaj ande nevi vorbaki kenjva vaj alavari katar o Svenska Akademin vi den e rekomendacia tena hasnis kadi vorba ferik te pharuves la sar exemplo pe resandefolket, phenel o Thom Lundberg.

O dujto kotor ande leski kritika karing o SVT-programo Historieätarna, opruch ke hasnisarde e vorba "tattare", si ke chorres sikhade jekh patreto kon kadala manush sas. Vov phenel ke ke vorba sas hasnime pe jek socialno gruppa thaj pe jek etnicno gruppa, thaj kado acharel o Thom Lundberg ke si chorres.

- O dujto kotor si sar si sikhade le resande rom, ande jek sekvenso kana site khele e rolla sar "tattare", avel andre jek expertka kaj hasnin kadi vorba. Kadi experkta si la but lashe publikaciji kaj kherdas, feri ke ando kado programo kherdas chorres kana phendas ke e vorba "tattare" sas jek vorba hasnime pe jek gruppa manush kaj nas jek kotor anda them. Ferik ke e vorbi "tattare thaj "zigenare" sas thela kadi vrama synonymni vorbi pe gruppa kaj adjes djanas sar rom, phenel o Lundberg majdur.

Kado naj angluno razo kaj SVT hasnij kadi vorba phenel o Thom Lundberg, vi ande jek kaver sezono sas phendi kadi vorba, thaj pala kodo ke sas opre dino kodo programo mangle ertichija. Me chi pachajemas ke kado kherdov o SVT inke jokvar, djanenas soske reakciji avna te hasnina kadi vorba pale ferik ke sajek kado kherde, kado sikhavel ke nas chachi lengi ertichija, phenel vov majdur.

- Me chi sim aktivista ferik skiritori kaj na domut vorta dem avri jek kenvja kaj si pa le resande rom. Thaj me gindias eksera naivnie ke majdur avilem ande kado pushipe, thaj si exemplura kaj kherdam kado, ferik ke ferik ke pala kritika angluno razo chi pachos me ke kherna kado pale, phenel o skiritori Thom Lundberg.

Kaj majdur phenel ke musaij rom aktivnie majdur te kheren buchi sar kaj kherde karing diskriminacia thaj xenofobia, te shaj hasajven kasave problemura.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".