Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Esma Redzepova romani muzikaki kresajkinja

Publicerat söndag 11 december 2016 kl 11.20
Bigrafia pa Esma Redzepova
(5:51 min)
Esma Redzepova sjunger
1 av 3
Esma Redzepova djilabel pe scena Foto: MARTIAL TREZZINI
Esma Redzepova
2 av 3
Esma Redzepova
Esma Redjepova
3 av 3
Esma Redjepova

E Esma Redzepova arakhadzilas 8 augusti 1943 ando foro Skopje, ande Makedonia. Voj sas e dujto maj terni anda shov shavora ande jek romani familja.

Lako papo lake dadesko dat sas jek katoliko thaj laki mami, laki dejaki dej, sas jek irakisko zidovanka. Thaj e Esmaki dej sas romani muslimka anda jek gav na dur katar o foro Skopje.

E Esma Redzepovako dat kaj hasardas jek anda leske punre kana le njamcura mukhlr jek bomba ando foro, kherlas buchi sar, vakto angla vudar, zuralo manush ando cirkuso thaj khoselas manushenge papuchi, ferik ke sas le muzikalno talento. Vov vi dzilabelas thaj cirdelas pe barabanura kana zanas pachiva vaj abava. La Esmaki dej kherlas buchi ande fabrika thaj suvelas.

Kana voj sas inja-bershengi, zutisardas la Esma jek anda lake pral te lel kontakto jekha romana muzikaki organizaciasa, kaj voj sigo sichilas komplikovani rytmura. Laki dej supportulijas lako muzikalno talento kaj sigo sikhadzilas, thaj sigo vrama phanglas pe e Esma thaj lako pral ande lengi shkolaki folklore muzikalno gruppa.

Laki dej thaj lako dat kamenas intregi lenge shavora te agorin e fundoni shkola. Ferik ke sas le vi but romane soakasha thaj gindura thaj kamenas e Esma kana sas terni te lel romes thaj te avel romnji khere le shavorensa, pe kodi vrama.

Ferik ke e Esma kaj ginadzolas maj liberalno ande peske gindura pe kodi vrama sajek alosardas jek kaver drom kusa muzika thaj moderni plachi zamias romane tradiotionalni gada jekha romana shejorake.

Ando 1956 bersh, kana e Esma sas 13-bershengi lako sherutno sichari das le e idea te djilabel ande jek shkolako contesto ando Radio Skopje. Voj ghelas te djilabel ande kado contesto thaj chi purisardas kanchi pa kado peska dejake thaj dadeske, kaj chi kamenas vi voj te djal sa kodo drom sar laki maj phuri phej kaj las te djilabel ande resturanura kana sas 17 bershengi, jekh karriera kaj nas shukar jekha romana shejorake bi romesko atunchi.

Thela contesto djilabadas jek traditionalno makedonisko romani djili. Kado sas angluno razo kaj jek romani djili sas mukhli ando Makedonisko radio. E Esma njirisardas o contesto, majfeder djilabas sar 57 kaver zeja thaj njirisardas 9 000 dinarura.

Kana laki dej thaj dat shunde pa lako sucesso ando contesto holajle zurales thaj chi kamenas te kherel e Esma jek muzicno karriera, ke pe koadi vrama sas e jedino possibiliteta romane artiston te djilaben ande cafeteriji vaj ande resturanura.

O Stevo Teodosievski, jek makedonco. Muziko thaj sherutno ande jek gruppa, sas imponovano kana shundas sar djilabel e Esma Redzepova, thaj kamelas voj te avel jek kotor anda leski muzicno gruppa.

O Teodosievski kaj jekzeno sichilas muzika thaj avelas anda jek chorori familja, sas sherutno pe jek bari muzicno gruppa Ansambl Teodosievski sar kaj busholas. Vov vi kherlas buchi ando Radio Skopje thaj sas jek membro ando Kommunisticno Liga ande Makeodonia.

O Teodosievski ginado sar jek visionero pe kodi vrama pachalas ke romani musika shaj kerdzol popularno vi mashkar gadje, thaj khetanes la Esmasa pharude von jek muzicno luma.

Vov vorbisardas lakha dejasa thaj dadesa thaj kherdas te mukhen la te djal lesa te djilabel ande leski gruppa. Thaj das peski vorba pe ferik pe pachivale sceni djilabela e Esma.

E historia djal ke kana maladzile ando Skopje, o Stevo Teodosievski nas safsiom chalo la Esmake glaosoa, thaj manglas la te trenulij but chasura. Skirisardas la ande Akademia Muzicno ande Belgrad, kaj voj ashilas duj bersh.

Vramasa kherdzilas e Esma Redžepova thaj o Stevo Teodosievski jek para, vareso kaj lelas kritika vi pa gazikani thaj vi pa romani righ pe kodi vrama. Ferik ke andi 1968, ansurisajle von duj djene.

Vramasa kherdzilas e Esma Redzepova jek anda maj popularni artistura ando Balkan, thaj jek anda anglune kaj djilabenas romanes. Thela romano muzicno festivalo thela 1976-bersh sas phendo pe late "La romana muzikaki krejaskinja".

Voj vi djilabas anda Makedonia thela Eurovision ando 2013-bersh thaj delas konsertura krujal intrego luma thela 50-bersh thaj sas ando Shvedo butivar. Voj vi kherlas buchi sas aktorka.

E Redzepova khetanes peske romensa o kompositoro Stevo Teodosievski, sas pindjarde sas filantropura. Khetane adoptulisarde von 48 romane shavoren te avel le edukacia. Voj sas nominovano anda peski buchi pe Nobel-priza ande pacha thaj sas engozovano politicnie ando pesko kherutno foro Skopje ande Makedonia. Voj pherdzilas 73-bershengi.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".