Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Stockholms stad pharuvel gindo pa samrådsgrupp

Publicerat tisdag 13 december 2016 kl 14.35
Annika Hjelm: Le rom shaj alon
(5:27 min)
Annika Hjelm
Annika Hjelm Foto: Maria Repitsch/Sveriges Radio

O Stockholms stad vaj foro sas advri kidino katar o Kulturdepartementet ke thela jek perioda duje bershengi te avel jek komuna pe progressa.

Jek utvecklingskommun kana avel kaj e romani inkludacia ando Stockholmo. Thela kadi perioda o foro site len avri thaj te implementulin jek strategia ande buchi kana avel kaj e romani inkludacia.

O gindo si ke kadi buchi pe strategia avla kherdini jekha romana gruppasa jek samrådsgrupp kaj avna andre manush kaj si expertura ande romane pushimata.

Ohto djene si te aven ande gruppa kaj si le djanglipe thaj experiencia ande romane pushimata thaj ande manushikane chachimata. Thaj e gruppaki buchi sital te aven advisora vaj rådgivande ande foroski buchi te len avri jek strategia kaj zurarel le romenge chachimata.

Ferik ke but kritika avilas karing kadi buchi sar site avel khetane shutini e samrådsgruppa. Ando Radio Romano shundan romane representanton kaj chi chalolas le ke sas te avel kherdino nominacia pe kandidatura ande gruppa thaj ke pala kode e styrgruppa ando foro lena e decisija kon le ohto djene ande nevi samrådsgrupp avna.

Thaj kade phenel akanak e Annika Hjelm direktorka pe manushikane chachimata ando Stockholms Stad, pala kode ke kritika vi avilas ando foro, phenel voj.

- Anda kode akanak lam e decisija te kheras kaveres ande kadi processa, thaj te mukhas le fereningura kaj si aktivno ando foro le Stockholmosko te alon jekzene peske representantos. Thaj vi lam e decisija te kheras kaveres intrego processa pe nominacia thaj das la vrama shtar kurke, ke vi lam manushendar gindura kaj acharenas ke duj kurke sas za cera vrama, phenel e Annika Hjelm.

Kaj majdur phenel ke anglunes sas shutine duj kurke pe jek nominacia te shaj del e gruppa ande buchi so maj sigo. Voj phenel ke le foroski si zurales importatno le rom te alon manushen kaj jekzene bizinpe ande lende. Thaj kana ame po Radio Romano pushlam katar e Annika Hjelm, save site aven kadal fereningura kaj alon le representanton ande nevi samrådsgruppa, phendas voj amenge ke unji anava sar Romano Pasa thaj Romani glinda, thaj unji djuvlange fereningura, ferik ke manglas ertechija ke nas e lista pasha late.

Le fereningura kaj alon le representanton site aven aktivni peska buchasa ando Stockholmo, thaj o representanto site avel skirime ando foro, phenel e Annika Hjelm, kaj majdur phenel ke o foro sas ando kontakto buthe romane fereningonsa thaj sas vi jek hearing vaj jek khidipe ande Rådsale romensa, kaj sas pushlo pa le romane fereningura thaj save si le maj importantni romane pushimata te kheren lensa buchi.

- Kana kheres buchi ande romane pushimata si importatno te shunas le romen, thaj le fereningura shaj kheren nominacia pe manush save von kamen thaj si le pachape. Thaj gade mukhas jekzene le romen te alon, phenel e Annika Hjelm.

Ande samrådsgruppa site avel jek bulhi representacia kana avel kaj le romane chibakhe gruppi, experienciji, bersh thaj mashkar djuvla thaj mursh. Thaj o cello site avel te pharuvel e foroski buchi, phenel e Annika Hjelm

- Kado si majbut te pharuvas le foroski buchi, maj lashi te avel. Kado naj direkto shutino le romenge, ferik ke kusa lengo supporto, experienciji thaj djanglipe majbut katar e samrådsgruppa, ferik ke vi kavere romendar, phenel e Annika Hjelm direktorka pe manushikane chachimata ando Stockholms Stad.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".