Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Vusariajka ande Rinkeby 1

Publicerat måndag 26 december 2016 kl 09.00
Angluno kotor (1)
(10 min)
E Felicia si jekh moderno princesa.
E Felicia si jekh moderno princesa. Foto: Bokförlaget Tranan

Felicia si jekh moderno princessa khaj trajij ando Rinkeby.

Sas khaj nas jekh tsini prinsessa khaj bushiolas Felicia, la sas kale kreci bal, bronzove jakha khaj bliscanas thaj jekh zurales shukar guglo mujoro.

Voj sas o angluno shavoro ande peski familja thaj laki dej thaj lako dat mernas anda late, lengi dzi dukhalas ande lende kade but kamenas von peska shejora a Felicia.

Maj but kamlas la lake dat, vov merlas anda late thaj mindik phiravlas la pe vast, kana voj dikhelas ande leske jakha acharlas vov sar leski ljuma hasajvelas, voj sas leske sa, pe kadi ljuma.

Kana voj rovelas, pushelas vov latar, vaj voj bokhalij, vaj pushelas pe latar vaj dukhalas la variso.

Vov merlas anda peski chej thaj phenlas ke laki lako anav Felicia znacilas bah pe latinsko chib.


Felicia sas jekh moderno prinsessa, voj chi trajijas ande jekh dzis feri trajias ando Rinkeby ande jekh normalno blocko.
Lasa trajijas lako dat, laki dej, mami thaj vi papo.

Lako dat thaj laki dej sas za terne te trajin rigate thaj anda kodo trajinas von savori sar jekh loshaki bahtali familja.


Jekh djes kana Felicia si ekcera maj bari thaj birij aba te vorbij ekcera malavel a familja jekh bari tragedia.

Feliciako dat merel ande jekh vurdoneski aksidenta thaj intrego familja perel ande jekh bari briga.

Feliciaki dej rovel gade but ande briga ke chi birij te ustjel opre anda pesko pato, laki mami rovel kade but ke vi lake jakha shuvlion thaj den avri ande baro rojipe.

Kanikas naj vrama khaj e Feliciake, thaj kana voj kamel te kelel pe lentsa roven von feri maj but.

Vi e Felicia si brigaki feri chi acharel so chachimasa kerdas pe thaj pushel savorendar pa pesko dat.

Jekh djes lel lako papo la ando parko thaj kana von khelen pe kote pushel e Felicia khatar pesko papo pa pesko dat.

Avla, pa jekh vrama, avla muro shejori. O Papo chi birijas te phenel o chachipe peska tsina vnuchkake.

E vrama djal thaj e Felicia brigij pala pesko maj drago dat ande ljuma, voj sas leski prinsessa thaj voj kamlas te avel pasha pesko dat, te kikidel les thaj te dikhel ande leske jakha.

Akanak chi phenel lake konik ke voj si e maj shukar gugli printsessa

Thaj kana voj pushelsas pe pa pesko dat chi delas konik anglal thaj kana denas anglal phenas lake te bistrel les thaj te na pushel maj but pa pesko dat.

Maj but vrama nakhel thaj kana e Felicia si 5 bershengi phenel lake laki dej ke a Felicia avla jekh nevo dat.

Feliciaki dej maladjilas jekhe kavere romesa khaj vi vov sas phivlo kusa duj chavora thaj von line pe.

Akanak avna tut vi duj neve pral, phenelas e mama e feliciake, von bushiona Cristanio thaj Alexander.

Sode e Felicia marel pe te na lel e mama neve romes chi djal lake kanchi avri, jekh djes avel laki mama thaj ingrel la pesa ande jekh nevo kher.

O kher naj dur khatar lako papo, maj dur trajina von ando Rinkeby.

Felicia musaj te pakulij pe thaj te khidel sa peske khelimaske buchia, peske ghada thaj peske papushici.


Pala jekh bersh e duje neve pralorenca thaj e neve dadesa arakhadjiol jekh tsini pejori ande familja.

Kanikas chi hal aba bajo pa Felicia. Vi kana kamel te khelel pe varikhasa chi kamel konik te avel lasa.

Ande bari holji lel pe voj thaj zal khaj peski mami kana aresel khaj peski mami lel laki mami thaj papo sama ke naj kade sar khaj trobuj a Feliciasa.

- Mami khaj si muro dat, khaj lo o tata? Pushel e Felicia rojimasa ando glaso.


Me kamav mure tatas, mure chache tatas na kodo khaj trajij mantsa akanak.

E mami acharel ke chi birij te hohaval thaj te garavel maj but khatar e Felicia thaj vorbij pe khetanes e paposa te phurin lake avri so chachimasa kerdas pe thaj te phenen ke lako dat si mulo.

E mami lel felicia pe vast thaj chumidel la zurales, thaj phenel lake te uravel pe ke von si te djan pe murmuntsi thaj kote sikavna von lake khaj lako dat pashljiol.


Kana aresen po than pe murmuntsi dikhel e Felicia jekh shukar bar thaj po bar si jekh patreto, jekh patreto pe lako maj drago tata ande intrego ljuma.

Pasha bar baron lole shukar ruzhi thaj kote phabon vi memeljora.

Mami thaj o papo len jekh memelji thaj phabaren thaj mukhen e Felecia ts shiol kodo pasha lake dadesko pametniko.

Sar tordjion kote avel jekh shukar tsini chirikliori khaj lel te djilabes shukares, e Felicia dikhel pe chirikli thaj lako muj lel te asal.

Dikhes phenel e mami, e tsini chiriklori avilas te phenel tuke ke sa mishto avla thaj ke voj lela tele pa tute chiri briga thaj o pharipe pa tute.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".