Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Vusariajka ande Rinkeby 2

Publicerat tisdag 27 december 2016 kl 09.00
Dujto kotor
(10 min)
Askungen i Rinkeby
O papo ane jekhe djuklores khaj e Felicia. Foto: Bokförlaget Tranan.

Felicia si jekh moderno princesa ande Rinkeby, kana voj sas tsinori mulas lako maj drago dat ande jekh vurdoneski aksidenta.

Po dujto djes pala kodo ke e mami purisardas e Feliciake ke lako dad sas mulo avilas o Papo late khere.

Ande peske vast inkrelas vov jekh koshari khaj sas sharado kusa jekh lolo diklo, variso shundjiolas khatar o koshari.
Sar te avilov variso kote, khaj mishkij pe thaj randel peske vundjenca karing o koshari.

So shaj te avel kote? Pushelas pe e Felicia.

 

Si man tuke jekh padarko muro tjejori, phenlas o papo.

E Felicia las lestar o koshari thaj cirdas tele o lolo dikhlo.
E felicia poradas e jakha thaj chi birijas te phenel kanci.

Lako hjilo loshalas ande late, soha chi dikhlas jekh kasave bahtale, shukare thaj godjavere djukles.

- kamav tut lucky, akanak si man jekh tsirikli khaj lel tele pa mande e briga thaj pharipe thaj vi jekh djukeloro khaj kerel sa kodo mange, phenel e Felicia thaj kikidel peske gugle djukelores.

E bersh nakhen thaj e Felicia bisterdjiol ke voj sas jekh princessa,
ke khonik chi phenel lake maj dur princessa.
Lel te phirel ande skola thaj kote si la but amala ande skola.

Univar khelel pe voj lenca avral ande skola, feri ke maj but khelel pe voj jekha romana tjejorasa khaj bushiol Natasha.
Natasha si laki kusinka thaj von phiren khetanes ande sa kodi klasa.

Sar te na avel kamel e Felicia vi kade peske duje phenjoran, feri gindoj peske ke loshakij ke si la skola, ke kote birij voj te pehenij peske khatar e chavora.

Pasha kodo si kote duj bajora khaj si lake zurales drago, e matematika thaj e muzika.

Si la jekh muzicno sichari khaj phenel lake ke voj si zurales muzicno thaj ke voj trobusardov te tsirdel pe skripka vaj sar o sichari phenel pe violina.

Felicia pachal lesko muj thaj lel jekh skripka pesa khere.

Khere tsipin lake pral pe late lake duj phejora cipin thaj zumaven te len latar e skripka intrego vrama.

Felicia lel peski skripka pesa thaj djal khaj peski mami thaj khaj pesko papo.

Lako papo loshajlas kana dikhlas e skripka ande lake vast.

Papo tsirdelas shukares thaj phendas khaj e Felicia ke vov tsirdelas pe skripka ande polska kana sas tsiono thaj vi kana sas maj phuro, vov tradelas pa intrego polska thaj tsirdelas pe konsertura, savori mernas anda lesko tsiridipe phenlas o papo.
Papo phenlas khaj e Felicia ke musaj te trenulij but ke na trenulija chi djala kanchi avri.


Vi e Felicia kamlov te kerel kodo, te tsirdel pe skripka thaj te tradel pa intrego shvedo thaj te kerel konsertura.
Feri kodo chi djal del pe voj ghindo.

Ke la za but buchij.

Voj si inja bershengi thaj voj lel sama pala peske pheja, te khidel ando kher, te dovel e vasura thaj vi te tovel peske thaj peske tsine phejorange gada.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".