Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Vusariajka ande Rinkeby 3

Publicerat onsdag 28 december 2016 kl 09.00
Trito kotor
(10 min)
Felicia hohavel pe avral.
Felicia hohavel pe avral. Foto: Bokförlaget Tranan

Felicia kamel te tsirdel pe skripka feri o problemo si kodo ke la soha naj vrama anda e but buchi so la si khere.

Jekh djes khinjol e Felicia pe kodo ke feri voj lel sama pala e shavora, savori kaver birin te keren variso kaver, feri kodo chi birij e Felicia.

Jekh lashio ghindo malavel la ando Shero.
Kam lake duj pral zhutina la e shavorenca.

Konik chi zhutij la.
Kana laki dej avel khere anda bolta malavel a Felicia pale jekh lashio ghindo.

Voj hohavel pe avri anda kher thaj phenel ke si te shudel o semeto.

Laki dej asal thaj najisij lake thaj del pe ghindo ke chaches mishto bararel voj peska bara tjejora.

E tjejora nashen pala kodo ando parko thaj khelen pe kote.
E vrama djal siko thaj hirtelen kerdjiol pe maj tunjariko avral.

Cristiano nakhel pasha lende thaj chudij pe kana dikhel e duje tjejoran kate puzno avral.

Cristiano lel pesko telefono thaj vorbij khere thaj pushel khatar peski dej vaj slobodoj lenge te aven avral kade puzno?


Kana e Felicia avel khere, dikhel laki dej pe late holjasa.
Kasavi holjarnikoj ke lako muj avri loloj thaj voj mezij sar jekh paradicomo ando muj.

- Sar tu kade shaj te keres? Te hohaves tu avri thaj te aves avral zhi khaj e rachi? Pushlas e mama thaj phendas ke e Felicia chi djala maj but avri anda kher.

Pala jekh kurko ande skola, len savori ande klasa jekh invitaciako lil khatar e Sofia.

Jekh shukar lil khaj skrij sumnakune bokvenca...
Mangav tumen te aven mande khere pe jekh pachiv kurke, ke atunchi perdjuvav 9 bershengi.

Kana voj sikavel o lil khaj peski dej kerel voj anda Shero thaj phenel lake povazno glasosa.

Me phendem tuke ke chi djasa khatik avral, tu hohadan man thaj akanak si te aves khere..
Ande skola shaj te phires feri pala skola si te aves khere, phendas e mama.

Felicia brigij feri vi acharel peska deja ke voj djanel ke naj slobodo te hohavel.

Po dujto djes acharel pe e Felicia khini thaj chi djal ande skola, voj lel sama ke laki dej djal ande buchi angla late thaj e Felicia hasnij e situatsia.

Voj beshel peske kere thaj shunel pe muzika thaj trenulij peske pe peski skripka thaj pasha kodo phirel voj e Luckesa avral.

Pala jekh kurko dzvonij o telefono.


E mama vazdel o telefono thaj vorbij bara chudasa varikhasa, dikhel pe Felicia thaj kerel anda shero.

Po dujto djes djal e Felicia ande skola, e skolaki doktoritsa akharel a Felicia peste thaj dikhel ke e Felicia si sasti..

Voj pushel vaj sa mishtoj khere, pushel vaj za but dikhel pe televizia, pushel vaj sovel mishto thaj vaj hal habe.

E doktoritsa phenel ke e Felicia musaj te phirel ande skola, ke te na phirla ande skola hasarla voj but so kaver sitchion thaj kana avna e skolake prubi chi birija voj te nakhel e prubi thaj ke vramasa avla lake inke maj phares ande skola.

Felicia chi hal bajo e skola, voj si feri khini po sa e skola thaj sa e buchi khaj si la ande lako kher pala e skola.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".