Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Det brinner i Kronåsens industriområde med kraftig rökutveckling som följd.
(Publicerat idag kl 15.48)
Nyheter och program på romani

Vusariajka ande Rinkeby 6

Publicerat måndag 2 januari kl 10.00
Shovto kotor
(10 min)
Felicia si khini pe skola.
Felicia phirel akanak ande 7 klasa. Foto: Bokförlaget Tranan

Felicia nakhlas e 6 klasa thaj akanak lela voj te phirel ande maj bari skola.

O milaj agorisajlas thaj e Felicia las te phirel ande 7 klasa, kodo kerdas ke voj parudas skola thaj phirel akanak maj phurenca ande e nevi skola.

Sa kerdjiol nevo, neve amala ande klasa, neve klasi, neve sichara, sako falo si nevo. Pasha kodo si ande skola vi jekh bari soba khaj savori inkren pe pe pausi.

Felicia thaj e Natasha ashion maj but ande kodi pausaki soba thaj chi phiren sar khaj trobuj pe lektsi.

Felicia acharel ke 7 klasa naj sar maj anglal ande maj tsini skola.

Kate si tut lektsi sako djes so musaj te sikaves e sicharenge thaj pasha kodo si tut prubi pe kodo so e sichara sikade ande klasa.

 

Felicia acharel ke chi djal e skola sar khaj trobuj thaj kodo kerel ke voj chi uchel pe vrami thaj phirel so maj chores ande skola.

Laki skolaki mentorka phendas lake ke voj musaj te lel te phirel normalno.
Phenlas lake ke e skola si zurales vazno ke bi skolako chi djal o trajo, thaj sa lektsi si sa kade vazne.

E mentorka del a Felicia jekh lil khaj skrijas pe ke varikhon musaj te avel anda familja te shunen sar a Feliciake djal ande skola.

Felicia lel o lil thaj djal khaj peski mami, e mami djal a Feliciasa ande Skola.

Mamake dragoj te djal ande skola ke voj soha chi pirlas ande skola thaj kodo si ekcera problematicno ke voj chi acharel but anda e vorbi so e sichari phenel lake.

E Felicia musaj te boldel but vorbi thaj vi e Felicia chi djanel sar te boldel but vorbi.

Sar te phenav, Yrkesdrömmar, framtidsplaner, läroplan, skolplikt??
E mami thaj e Felicia acharen pe eksera dile thaj chi djanen sar te inkren pe pe kodo khedipe.

 

Po dujto djes musaj e Felicia te djal khaj e kuratorka, voj si sar psykologo thaj zumavel te pushel avri sostar e Felicia chi phirel ande skola, vaj variso si chores, vaj varikhon si lake nasul ande skola, vaj khere.

- Kana djas te soves? Kana usches tetehara? Si tut varisave amala? So keres kana chi san ande skola?

Felicia acharel ke kate chi lela voj chi sosko zutipe thaj acharel ke kado khedipe chi nakhlas lake misto.

Sar djalas e Felicia peske khere dikhas voj peske purane sichares ande muzika. Vov pashilas late thaj pushlas vaj voj djilabel maj dur, thaj e Felicia phendas ke na.

- Nashtik te mukhes e muzika, Felicia, phendas o sichari kovle glasusa.
- Za mishto djilabes thaj nastik te mukhes kodo talento.

E Felicia djal maj dur khere thaj del pe ghindo ke chaches nashtik te mukhel kado talento, feri so birij voj te kerel.

Mindik si te avel khere, te lel sama pala sa thaj savoren thaj soha te na kerel kodo so e kaver rakliora kheren.

Felicia djal pharimasa khaj peski mami thaj phenel kodo so si pe lako hjilo.

Felicia shunlas pe peski mami thaj e mami sas holjarniko pe Felicia.
Felicia manglas ertechia thaj chumidas peska mama pe laki poffa.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".