Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Vusariajka ande Rinkeby 7

Publicerat tisdag 3 januari kl 09.00
Eftato kotor
(10 min)
Felicia si jekh plano!
Felicia si jekh plano sar te djan po disko. Foto: Bokförlaget Tranan.

Feliciaki mami phendas ke musaj e Felicia te acharel ke voj si jekh romani tjej thaj ke musaj te inkrel pe, vi te si lake kodo pharo.

Vrama nakhel thaj e Felicia phirel 2 termino ande 7 klasa, pasha late beshel jekh nevi rakliori. Voj bushiol Sandra thaj vov avel anda Syria, Felicia zhutij la a shibasa thaj lel sama ke trajin vorta pe sa kodi bar.

Sandra phenelas a Feliciake ke voj trajijas ande jekh nashutnengo kampo but vrama ando Libanon, kote trajisaras ande tserhi thaj nas amen kanchi uzho, nas amen toaleti, kanchi.

Sandra phenlas ke voj mindik ghindojas pa skola kana sas ando campo ke kote nas len skoli.

- Dragoj tuke e skola, pushel e Sandra khatar Felicia..

Felicia beshel thaj ghindoj, fajma dragoj lake e skola akanak sar las e Sandra te phirel lasa..

- Mange dragoj te djilabav thaj me avov jekh pindjardi artistka pa intrego ljuma, phenel e Felicia thaj e Sandra phendas ke voj avla jekh bari doktoritsa khaj zhutija nasvale manushen krujal e ljuma.

Felicia thaj Sandra dikhen pe sa kodol filmura thaj shunen pe sa kodi muzika.
Pasha kodo zhutij e Sandra sa kade khere sar e Felicia thaj vi voj nashtik te phiravel pe pe diskoteki sar kaver rakliora ande klasa.

 

Jekh djes khelelas o Alexander fotboll thaj e Felicia vorbisardas khaj e Sandra thaj phendas te len penca e tsinen thaj te djan te dikhen po matsho.

Po matsho avna but shukar raklora, phenel e Sandra thaj e Felicia asal.

E Felicia dikhel po matsho ke kote khelel jekh rakloro khaj bushiol Jannis, vov si shukar thaj o Jannis chaliol a Felicia.

Felicia djanel ke o Jannis si e Alexandrosko amal, von phiren ande sa kodi klasa thaj e Felicia mindik dikhel pe leste kana vov avel lende khere.

E Felicia acharel ke lako hjilo marel chudno kana o Jannis si lende khere.

Variso kerel pe lasa thaj voj chi djanel so kodo si.

Variso kerel pe lasa kana voj ghindoj pa Janis, thaj kana chi dikhel les but vrama, kerdjiol voj sar nasvali.

Chi kamel te hal, chi kamel te piel thaj chi djanel so lasa kerel pe.

Po dujto djes phenel e Felicia "hej" khaj o Janis, feri voj lel pe zurales sama, konik te na lel la sama.

Voj djanel ke lako pral o Alexander lishij la te na avel la kontakto raklorenca.

Jekh djes kana vorta o Janis sas te phenel variso....

Avilas o Alexander thaj las te hal pe e Janisosa, las te cipij pe leste ke dikhel so vov kerel thaj ke naj slobodo ke vov si gadjo thaj von si rom. Pashe phendas o Alexander ke te lela vov sama variso pa leski phej thaj Janis cirdela vov leske jekh ande dand.

Jekh djes kana Sandra thaj e Felicia si ande skola avel jekh nevipe ke si te avel jekh baro disco ande Ternengo centro - ungdomskgården.

Sandra thaj e Felicia tsirden pharo dji.

Sel duj dikhen ke si jekh problemo, ke konik lendar chi birij te djal po disco ke lenge deja thaj dada chi mukhena len te djan.

 

Hirtelen cipij e Felicia ande bari losh.

- Man si jekh plano sar te djas!

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".