Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Vusariajka ande Rinkeby 10

Publicerat fredag 6 januari kl 09.00
Deshto kotor
(10 min)
Felicia kamel te Jannisos.
So kerla pe kusa Jannis thaj Felicia? Foto: Bokförlaget Tranan.

Felicia si jekh romani tjej thaj lake naj slobodo te avel raklorenca feri voj kamlas pe ando Jannis.

Felicia acharel ke voj chi birij te garavel pesko baro kamipe karing o Jannis, voj acharel ke voj les kade but kamel ke chi birij te avel bi lesko.
Jekh djes djal voj khaj peski mami thaj beshel ande laki kuhnia zhi pun laki mami lel sama ke variso naj sar khaj trobuj.

- Felicia... Dikhav ke variso naj sar khaj trobuj, muri shejori, phenel e mami.

 

E felicia phendas peska mamake sar e situatcia si thaj e mami shunel pe Felicia, feri a mama chi chaljiol ke o Jannis si Greko thaj naj Rom.

Sa kodi rachi vorbij e Anastasia khaj o Jannis.

Hirtelen vazdel o Jannis o Telefono...

E Felicia thaj o Jannis vorbin pe khetanes thaj e Felicia phenel ke o Jannis nashtik te vorbij late ke te lena sama lake pral kodo avla jekh bari holi ande familja.

Tela intrego kodo milaj maladjion e duj djene, e Felicia thaj o Jannis maladjion ande parkura, bibioteki thaj vorbin jekh kavereresa, e Felicia acharel ke zurales lokhoj te vorbij pe kusa o Jannis ke vov mindik shunel pe late thaj midik del la lashie atvetura.

Jekh djes lel e Felica troma ande peste thaj pushel e Jannisos vaj vov kamel te avel lako phiravno.
Lako hjilo marlas zurales thaj ghindijas ke lela la ando hjilo zhi pun o Jannis chumidas la pe lake vust.

E bersh nakhen thaj e Felicia nakhel e skoli thaj lel vi diplomura anda peske lashe studi, Jannis nakhel skoli thaj puterdas jekh baro resturano ande Grecia.

Pala jekh vrama ansurin pe von thaj e Felicia kerdjiol jekh pindjardi artistka ande muzika thaj tradela pa intrego Greko.
Voj djilabelas pe romani chib, pe grekitsko, pe spaniolitsko, italianitsko thaj pe anglishitsko chib.

Pe late phenenas e manush Luludji the gypsy queen of roma muzik.

Thaj zhi adjes trajin von khetanes,
sastej zuralej thaj si len but chavora thaj vi vnuki, thaj savori vorbin vi romanes thaj vi grekitsko chib.
Thaj univar thaj univar avel voj palpale ando Rinkeby khaj si lako maj drago than ande intrego ljuma.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".