Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Södertörnshögskola rodel jekh roditori

Publicerat måndag 13 mars kl 13.12
Roditora pa romani edukacia ando Universiteto
(3:02 min)
Södertörns högskola, Stockholm

Södertörnshögskola si jek universiteto ando stockholm kaj sitcarel, kherel rodimata ande diferantne pushimata aj butca aj vi kherel butci ande temesko civilno zuraripe.

Pe kado universiteto phiren 11000 ezera studentora ajv i si jek interkulturalno profilo. Jek anda khadal rodimaske centrumora si o CBEES Centre for baltic and east european studies, aj akanak von roden jeke forskningsledare jek roditores te kherel butci ande romane studjora, romani studies.

Kado roditori si te inkrel e responsibilita ketane e profesoresa Kimmo Granqvist e rodimata ande romane phushimata.

O Kimmo Phenel ke von roden varikas so si te kherel butci lesa khetane ande romane studjura aj romane pushimata, aj khadale manushes si te avel responsibilitacia ande khadal butca aj phushimata.

Majdur phenel o Kimmo Granqvist ke kado manush so rodel kadi butci si te avel doktorando musaj te zanel mishto e anglishisko chib po e butci ando universiteto si internationalno.

Jek so si zurales improtantno si ke kado so rodel kadi butci musaj te zanel e romani chib aj te avel les experiensa ande rodimata karink romane studjura, musaj te zanel romani historia, etnologia, lingvistika aj kultura. Kade phendas o Kimmo Granqvist.

Kadi butci sar roditori, Forskningsledare si 50 % tela 12 shion aj o manush si te avel po tan kaj o CBBES, ande instetutcia po södertörns högskola.

So inke phenelas o Kimmo si ke kado so kherela butci musaj te avel les zanglipe kaj e romane organizatci po vi lenca si butci kana san kado roditori.

Po agor o Kimmo Granqvist pedas ke aba si manush kadale kvalifikacienca so bishade te mangen kadi butci anda but tema ande europa.

O Kimmo penelas ke si but rom krojal ande europa kas si kadal kvalifikaci aj avilov mishto te avel jek rom pe kado than, po e romen si jek kaver zanglipe pa peski historia, kultura aj chib. Ale vi si but khadal so naj rom aj kaj zanen te vorbin romanes aj vi si doktorantora.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".