Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

O Jono kherdas jek "niposko kopachi"

Publicerat tisdag 14 mars kl 15.24
Jono Michal Stankov
1 av 2
Jono Michal Stankov kherdas kartografia pe romano nipo
Niposko kopachi katar o Jono
2 av 2
Niposko kopachi katar o Jono

"Niposko kopachi", si jek phuterdi kartografia pa jek nipo vaj njamo ande jekhe kopacheski forma. O maj specificno anav si jek dendogram

Kado katar avel katar e grekisko vorba "dendro" po kopachi, thaj sikhadzol sar jek grafo, kado hasnij pe ande niposke rhodimata vaj e maj specificno terminologia "genalogi", te arakhes manushenge familiake kondiciji.

O rom o Jono Stankov de 10-bersh palpale kezdisardas te kherel jek kasavo "Niposko kopachi", kaj majdur kherel buchi lesa.

O koncepto te kheres jek "Niposko kopachi" vaj släktträd si jek dosta popularno buchi thela palune 10-15-bersh. Po internet si pherdo sajtura kaj po jiva navet den servisura kaj shaj o manush kherel jek "Niposko kopachi". Ande biblioteki thaj ande khangera shaj djal o manush thaj lel zutipe thaj si vi skirime pherdo metodi kaj shaj hasnij o manush te birij te arakhel peske nipos.

Ferik ke chachimasa si o koncepto te rhodes vaj te sikhaves jekhe manusheski niposki historia kaj dzal palpale sode dur ferik si possibilno te dokumentulis, naj nevo safsiom.

O gindo te te kheres jek illustracia pe manushesko nipo kusa jek kopachi avel katar e Biblia kana ando Nevo Testamento si sikhado sar o Jesus perel nipo le anglune manushesa ande Biblia le Adamosa thaj kado bushol o Jessesko kornjo vaj Jesse rot, thaj avel anda jek texto anda Phurano Testamento katar o profeto Jesaja.

O Jono las te dokumentulij peske nipos cirka de 10-bersh palpale.

Rhodipe niposko vaj släktforskning sar kaj bushol, shaj vi adjes avel hasnime sar arto vaj konst thaj si zurales popularno thela amare djesa, kado si sikhado but ande televizia, ando radio thaj vi ande gazeti, kaj butivar dikhas sar pindjarde manush rhoden pala peske kornjura thaj garudine familjake secretura.

Adjes si vi jek marketo kaj si kherdine shukar illustraciji pe niposke kopacha ande diferetni formi kaj shaj o manush kinel pesko kopachi thaj jek illustratoro kherel e buchi.

Ferik ke o Jono phenel ke kana avel kaj e romane niposke kopacha maj pahresij te kheres jek kompletacia anda diferetni atvetura.

Niposko rhodipe buthe manushenge znachij ke trobuj te len te rhoden ande phurane arkivura kana kamen te arakhen penge membron ande familji anda maj phurane vrami, thaj maj normalnie si te rhodes ande khangerake arkivura.

Ferik ke rashaja kherde dokumentaciji pa penge membrura ande khangera de sar o 1600-bersh. Registraciji, ansurimata, kana khide pe manush thaj kana mule manush sas registrovano. Thaj vi le digitalni arkivura kheren adjes buthesa maj lekto te rhodes chire nipos palpale ande vrama, ferik ke kado lel vrama, trobuj koncentracia thaj but cierplivosc.

Ferik ke kana avel kaj le romane niposke rhodimata si kado buthesa maj pharo ke le rom nas ando registri, phenel o Jono.

But positivni bajura si kana o manush djanel peski historia, phenel o rom o Jono majdur, amare shavora thaj lenge shavora maj angle lena hasna kadalestar ke shaj djanen kon sas lenge prapaura thaj katar von aven. Thaj unji manush vi phenen ke jek importatno kotor anda te acharas e adjesutni vrama si te djanas amari historia.

Thaj si vi kodol kaj phenel ke si vi buthe manushenge jek kotor anda lengo vlasno acceptanso thaj indipentno gindo kana len informacia katar aven. Vi te si ke chi djal ande ajdeutni situacia te djas kade dur palpale ande historia kana rhodes le romane kornjura, ke nas but informacia pa rom, pachal o Jono ke maj angle avla maj letko te kheres jek niposko kopachi.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".