Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

Kana san doroslo/vuxen ando romanipe?

Publicerat tisdag 28 mars kl 11.39
"Varekana kaver sas e kultura"
(5:27 min)
Romane ternjimata
Romane ternjimata khelen Foto: Radio Romano

Te pherdzol o manush 18-bershengo thaj te ginadzos sar jek doroslo vaj myndig manush pala zakono sar exemplo ando Shvedo, si jek pushipe.

Ferik ke kana kerdzol o manush vuxen vaj doroslo vaj pesko vlasno manush ande moderno luma thaj ando romanipe?

But manush phenena ke varekana maj sigo le manush denas ando trajo thaj maj sigo vi djuvla thaj vi mursh kherdzonas dorosli, ke kaver sas o trajo. Ferik ke sas kade ande sako jek falo? Thaj si ke kade radikalnie pharudzilas o koncepto kana jek manush ginadzol sar pesko vlasno?

Jany, kaj si 71-bershengo si adjes papo thaj vi prapapo, thaj kade phenel amenge kana ame pushlam ame sar sas pe leski vrama kana avel kaj kado pushipe?

Adjes le majbut ternjimata mezij ke si le jek gindo ke o manush naj doroslo vaj vuxen zipon naj gasta peska edukaciasa, si kodole manushes buchi, vlasno kher thaj vlasni love. Sa chachimasa faktorura kaj kheren ke o manush si indipentno, thaj naj zalezno vaj dependtno katar o dat thaj de dej. Ferik ke sas mindik kade?

O Jany phenel ke vov barilas ande jek kaver kultura.

Sar kaj las sama de pari generaciji palpale sas o gindo kana jek manush ginadzol jako doroslo vaj vuxen eksera kaver ande unji kulturi romane. Vi te dikhel o manush historicnie pe thema sar exemplo ando Shvedo sas varekana e konfirmacia ande Shvedisko Khangeri, kodo ritualo kaj phutrelas o drom manushesko te avel maj vlasnno, vaj ke shaj lel jek kotor anda le doroslengi luma.

Thaj dokumentovanoj ando Shvedo ke thela 1960-bersh sas e edukaciaki vrama maj lungo buthe manushenge, ferik ke sajek cirka kana sas 20-bershenge birinas o majoriteto te len khera thaj bucha, thaj kadalesa te ginadjos doroslo.

Ande romani kultura birias butivar te avel jek diferencia, ke o manush sas maj phanglo kaj o sokashi anda kode ke nas sa kasave possibiliti kaj bucha thaj khera mindikh le romenge, phenel o rom o Jany. Anda acharel vov, ke adjes maj lashi possibilita si le ternen de den ando doroslo trajo, sar varekana kana vov sas 20-bershengo.

Kana malaves e vorba "ungdom" e shvedisko vorba pe jek terno manush po internet, avel opre zurales but diferetni definaciji, artiklura, statistika, nevimata thaj buchange sajtura. Ferik ke jek definacia si kana o manush majdur si terno, ferik ke na jek shavoro.

Normalnie ande but thema zal o paso katar "terno manush" zi kaj "doroslo", kana si tut sa kodol chachimata pala zakono, sar exemplo e prava te glasulis ando them kaj trajos, ke juridicnie san ginado doroslo pala chire bersh, e prava te khines alkoholo, ande unji thema, thaj vi tena aven intregi kadal chachimata thela jek razo, si ande majbut thema varesar sajek kruajl e 20-bershengo o manush kana si ginado sar doroslo.

Ferik ke kana naj tu jek them, thaj san inkherdo katar jek ezero-bershengi kultura, na sa kade ginaves, phenel o rom o Jany, majdur. Vov phenel ke vov kana sas terno sas o romano zakono, kana ansuris tut, katar aves, che intelegetno san faktorura save ginaves tu sar doroslo vaj na.

Anda vov acharel ke maj vlasni vaj självständiga si le terne adjes, sar varekana, vi te sas maj zurali kultura.

Ferik ke opruch o pushipe pa juridika, politika, zakono, kultura thaj pherdo majbut faktorura save kheren ke jek terno manush ginadzol sar doroslo, si vi o psykologicno faktoro ando vlasno manush, skirij o Ungdomsstyrelsen, pe peski internetoski patrin.

E vrama kana si o manush terno thaj khere inke, si buthenge jek vrama kaj shaj avel phari te arakhes tut ande sakone faloste, sar te achares ande sako pushipe, sar si o progresso te aves doroslo, thaj kadalesa but djene shaj acharen ke shaj lel kado processo vrama.

Ferik ke sar tena avel si jek chansa kaj jek maj stabilno trajo adjes le terne romenge, sar varekana, phenel o Jany.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".