Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani

"Naj zhutipe e phurenge pe romani chib"

Publicerat torsdag 6 april kl 14.03
"Naj chi sosko phurengo kher e romenge"
(4:41 min)
Phurengo kher
Phurengo kher

Länsstyrelsen mukhlas pesko raporto pe phurengo zhutipe pe nationalne minoritetne grupi thaj sar o zhutipe si ando them.

Chaches naj chi soske phurengo kher vaj varisavo than so zhutij e romen pe romani chib ando Shvedo, phenel e Katarina Popovic khaj si , utvecklingsledare Länsstyrelsen i Stockholms län.

E romen naj jekh förvaltingsområden - jekh regiona khaj si e nationalne minoriteton maj zurale chachimata ande chib thaj kultura thaj kado ke naj e romen kado chachipe si vi jekh dosh ke naj e romen kado zhutipe e phurenge pe romani chib.

Samitsko chib, meänkeli, thaj finlanditsko chib inkren maj zurale chachimata sar e romani chib thaj jiddish ke kodole chiben si jekh extra zor ande förvaltningskomuni ke kodol komuni so line perdal te zhutin pe kodola chiba musaj te den zhutipe pe kodol chiba thaj pe romani chib thaj jiddish naj musaj te del pe zhutipe.

Katarina Popovic anda Länsstyrelsen phenel ke vazno si te sikavel pe kado ande kado raporto ke mishto djal unie grupenge ke len si förvaltningsområden thaj vi te sikavel pe o chachipe kusa e romani thaj zidovitsko grupa khaj naj len kanchi.

Jekh kaver dosh khaj kodo ke naj e romen kasave phurenge khera pe romani chib shaj te avel kodo ke but rom chi kamen te mukhen penge phuren pe kasave khera.

Jekh drom khaj jekh maj lashio solutcia ande phurengo zhutipe pe romani chib shaj te avel kodo te mangen e rom kado zhutipe khatar e komuni, phenel e Katarina Popovic.

E romni Papusha anda Haninge phenel ke voj kamlov e komuna te zhutij e romen ke sar si adjes naj kanchi e romen.

Jekh kaver buchi so sikadjilas ande kado raporto si kodo ke e romen naj chi soske komunalne aktivitetura pe romani chib phenel e Katarina Popovic anda Länsstyrelsen.

Kana Radio Romano sas ando Haninge uni kurke kodolestar phenlas e romni Gertruda ke chachimasa kamen e rom te maladjion thaj ke von korkori zumaven te keren penge aktivitetura zhutimasa khatar e khangera.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".