Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
(2:44 min)
Valfridsson: Trobujas te avel ilegalno o mangipe
Publicerat tisdag 25 april kl 11.00
Valfridsson parudas pesko ghindo
Valfridsson parudas pesko ghindo Foto: TT/Emil Langvad/Erik Nylander

Martin Valfridsson khaj sas o kordinatoro pe EU-citizentura ande phare konditsi phendas arachi ke kamlov te avel ilegalno te mangel pe love.

Jekh bersh nakhlas sar mukhlem muro raporto thaj musaj te phenav ke parudem muri opinja te na avel ilegalno te mangel pe love, kamlemas te parudjiol o zakono thaj te avel kado ilegalno te mangel pe love pe droma.

Kado phendas o Martin Valfridsson khaj sas maj anglal o kordinatoro pe Eu-citizentura so nakhen parimata ando Shvedo.

Kana vov mukhlas pesko raporto ando bersh 2016 phendas coc ke manush chi trobunas te den love kodolenge so mangen love pe droma feri atunchi phendas vi kodo ke kado chi trobujas te avel ilegalno, akanak paruvel vov pesko ghindo pe kado pushipe.

Vov phenel ke trobujas te avel jekh nationalno decizia te avel kado ilegalno, vov chi pachal ande kado te avel feri ilegalno ande uni komuni.


Martin Valfridsson sas avri pushlo ando Studio Ett pala jekh programo so sas sikado ande Norvegitsko televizia so kanalo NRK kerdas tela duj bersh.

Kote sikadjilas pe ke si mangipe so si organizovano thaj ke si karing 140 manush ando Norvego thaj kodol so inkrenas pe maj opre ande kodi hierarkia trajinas zurales mishto.

Valfridsson phendas ando Studio Ett ke vov dikhlasas vi kasave grupi ando Shvedo kana vov sas kordinatoro thaj pachal kodo ke te kerla pe mangipe ilegalno ando Shvedo dela pe kadale manushenge protekcia so mangen love pe droma thaj kado si vazno ke kodol so mangen love trajin tela phare konditci kana von mangen love.

Thaj pasha kodo shaja te del pe zhutipe e manushenge ande lenge thema kusa e phari segregatcia thaj edukatcia.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".