Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
(3:21 min)
Skolverket: Kado resultato si problematicno
Publicerat onsdag 26 april kl 13.59
Alla Sveriges elever ska få lära sig om de fem nationella minoriteternas historia i skolan. Under #vemshistoria granskar vi om detta förverkligas. Foto: Sveriges Radio Sisuradio
Savori trobunas te djanen maj but pa e nationalne minoritetura ando them Foto: Foto: Sveriges Radio Sisuradio

Vi o Mikael Eijerblom anda Skolverket dikhel chudno pe kado ke naj dosta sikajipe pa e Nationalne minoritetura ande historia ande skoli.

Kado resultato si problematicno, ke chachimsa si e studenton chachipe te djanen maj but thaj vi te len kodo djanglipe pa historia so si pa e nationalne minoritetura ando them, phenel o Mikael Eijerblom khaj si sherutno po Skolverket.

E anketa khaj sas bishadi khaj 298 sikavne ande Historia ando them thaj 187 dine atvetura pa kadi anketa, kodo si karing 63 procenti.

Kote sikadjilas kodo ke 15 procenti anda kadal sikavne phende ke von chi sikaven kanchi pa e nationalne minoritetura ande Historia.

Dopash anda kodol so dine atveto phende ke von sitcharen pa sa e nationalne minoritetura.

Kodo sikavel ke dosta but sikavne chi den kodo sitcharipe so chachimasa musaj te den.

Sas vi kodol sikavne ke phende ke chi birin te den kado sitcharipe ke von korkori chi djanen but pa kadi historia.

Mikael Eijerblom phenel ke kado naj mishto thaj ke trobuj te vazdel pe opre o djanglipe khaj e sikavne ke te na djanen von korkori kado sar si von atunchi te sikaven maj dur.

Historia pa e nationalne minoritetura si andre ande skolako sikajimasko plano - skolplanen thaj kado si atunchi te avel sikado, problemo si kodo ke chi skrij pe kechi exaktno si te del pe kado sikajipe.

Shaj te avel ekcera prioritatcia ande sikajipe feri ke nashtik te alosarel pe variso avri anda o sikajipe phenel o Mikael Eijerblom maj dur.

Ande skolako sikajimasko plano si sa tele skirisardo so musaj so si te avel sikado, pala kodo alsarel o sikavno kodo so si te avel sichardo, feri sa musaj chachimasa te avel sikado so si ande kado plano.

E responsebilita si pe skoli, pe sikavne thaj pe komuni te avel sa sikado thaj pala kado musaj o skolverket te zhutij kodolesa te len von sama ke hibazi variso.

Mikael Eijerblom phenel maj dur ke naj kado mishto ke naj dosta sicharipe pa e nationalne minoritetura thaj phenel ke musaj te sikavel pe pa kadal grupi pala skolako plano thaj pala e skolake zakonura.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".