Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på https://kundo.se/org/sverigesradio/
Nyheter och program på romani
Romane slugi ande Rumunia
Romane slugi ande Rumunia
Lyssna
(2:20 min)
Slugi ande Romunia thela 1800-bersh
Publicerat måndag 8 januari kl 13.54
Ljudklippet är från avsnittet
8 januari kl 16:00

Vi te sas slugi vaj slavar ande Rumunia thela 1800-bersh si kado jek maj cera zanglo fakto sar exemplo pa le slugi kaj sas ando USA.

Ginadoj ke thela kadi vrama sas maj thele 200 000 slugi mashkaral thela 1800-bersh, thaj slobodo sas te aven le slugi bikinde thaj vi strafovani katar peske gazdi.

Ferik ke vi te si buthesa maj cera pindjardo fakto pa le slugi ande Rumunia sar ando USA, ashade von kado koncepto cirka sa kadi vrama ande sol duj kotora la lumake.

O historiko Viorel Achim, phenel ke le slugen nas chi soske chachimata.

- Me arakhlem fallura kaj le gazdi le slugenge mudarde penge slugen, ferik ke chi jek anda lende nas dine strafo anda kado, phenel o Viorel Achim.

Adjes si zanglo ke o majoriteto anda kadal slugi sas rom. Von kheranas butivar buchi ande le khera, kheravenas sastra thaj khernas buchi kavere bajonsa anda vas. Le rom khernas buchi vi ande kopalnj vaj gruvor thaj kusa agrikultura. Ferik ke kodi phari buchi nas sa kasavi normalno sar ando USA.

Ferik ke o Viorel Achim phenel ke o koncepto te avel manushes slugi ando Rumunia thela kodi vrama nas jek pushipe pa ekonomiako njirishigo ferik ke maj but pa jek socialno prestigo.

- Kadi nas pe jek lovengi buchi, ferik ke socialno prestigo thaj kultura thela kodi vrama, phenel o Viorel Achim majdur.

Ferik ke o antislaverirörelsen vaj e but manush kaj zanas karing kado ando USA, delas effekto vi pe Rumunia. E kenjva "Onkel Toms stuga", kaj phenel pa le slugi ando USA sas sar exemplo boldini pe rumunisko chib.

Numa kana po paluno agorisajlas o koncepto te avel tu slugi ando 1864-bersh nas jek plano pe integracia kadale manushenge. Le slugi kaj sas skepime phele ande jek inke maj phari socialno situacia kaj but anda lenge njamura ande adjesutni situacia majdur acharen.

O Adrian Furtuna kherel buchi sar sociologo ando National Centre of Roma Culture ando sherutno foro Bukarest ande Rumunia. Vov phenel ke o djanglipe pa le slugi adjes thaj pa le effektura kaj kado das si cino adjes, thaj vi mashkar le rom.

- Kana zas jek komunitetura kaj si le ternjimata adjes kaj avel katar kadal slugi chi zanen von kanchi pa kado.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".