Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/
Nyheter och program på romani
En man kör bil och skickar sms samtidigt.
Foto: Erik Nylander/TT
Lyssna
(3:00 min)
Lyssna
(3:00 min)
Lyssna
(3:00 min)
Nevo zakono pe telefonura ando trafiko
Publicerat torsdag 11 januari kl 10.58
Ljudklippet är från avsnittet
11 januari kl 16:00
Publicerat torsdag 11 januari kl 10.58
En man kör bil och skickar sms samtidigt.
Foto: Erik Nylander/TT

O angluno februari kado avel jek nevo zakono kaj kherel ke naj slobodo te hasnis telefonura ando trafiko.

Prakticnie znachij o nevo zakono ke chi avla slobodo te trades jek vurdon motorosa thaj te inkres jekh telefono ando vas.

E Lena Friberg, si chefojka ande trafikaki sektia ande polisiaki regiona Bergslagen.

- Akanak avla maj viraznie sar o manush te inkrelpe kana avel sar te hasnis o telefono kana trades matora. Shaj vi avel kaver atvetutura pe distrakcia sar ke bandjos te vazdes vareso kana trades, vaj ke kheres vareso le radiosa, si but bajura kaj chi trobujas manush te kheren kana traden. Kado si jek anda le problemura kaj kerdzol so majbut kaj akanak kamas te cinjaras, phenel e Lena Friberg anda policia.

Sar kaj o zakono mezij akanak kana avel kaj sar te hasnis mobilno telefono ando trafiko, si ke naj slobodo te hasnis kado ferik te si ke del effekto po trafiko, ferik ke katar o februari shon kado bersh aba chi avla kade.

Thaj Lena Friberg, chefojka ande trafikaki sektia ande polisiaki regiona Bergslagen, phenel ke voj gindoj ke kado zakono dela jek effekto pe manush kaj hasnin telefonura ando trafiko.

- Me gindoj ke jek virazno regulo kherla ke majbut manush inkrena kado. Thaj kadi si jek buchi kaj akanak kheras te vazdas e securita ando trafiko thaj maj letko te avel la policiake te inkren kado. Adjes sar kaj si dikhas ke but manush traden thaj hasnin pesko telefono, thaj chi birisaras te kheras kanchi, phenel e Lena Friberg majdur.

Vi le elektriake bolti akanak zukaren majbut te biknen headseats pe mobilni telefonura thaj handsfree-aparatura kaj o vurdon anda kodo ke naj slobodo te inkren o telefono ando vas.

O Elias Hermansson, kherel buchi ande jek elektrikaki bolta ando Luleå.

- Chi lem sama ke inke kado zurales vazdas pe, ferik ke kado avla so majbut kana kado avla jek realiteto manushenge, phenel o Elias Hermansson.

Thaj vi e 70-bershengi romnji e Sofia anda Stockholmo kaj so tradas vurdom opral e 40-bersh, phenel ke voj pachal ke kado zakono si lasho thaj ke kam vazdela e securita ando trafiko.

Grunden i vår journalistik är trovärdighet och opartiskhet. Sveriges Radio är oberoende i förhållande till politiska, religiösa, ekonomiska, offentliga och privata särintressen.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".