Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Iswiidhen waa ka macaashtay soogalootiga

La daabacay torsdag 13 juni 2013 kl 17.00

Dadyowga soogalootiga ahi waxay bulshada Iswiidhen soo geliyaan dhaqaale ka badan kan ay iyagu ka helaan. Sidaas waxaa laguu muujiyey daraasad caalami ah oo lagu sameeyey saameynta ay dhaqaale ahaan dadka soogalootiga ama ajnebiga ahi ku leeyihiin Iswiidhen iyo waddamada kale oo horumaray.

Ururka caalamiga ah ee iskaashiga waddamada oo loo soo gaabiyo OECD ayaa daraasaddaan siyaasadeysan ku sameeyey 27 waddan. Dalalka adduunka badankood waxay arrimaha soogalootigu ka yihiin arrin xasaasi ah, waayo waxaa jira xisbiyo doonaya in la joojiyo ama la xaddido dadka soogalootiga ah iyo dadka sharciga degganaanshaha ku qaata shaqo awgeed.

Iswiidhen waxaa ka xisbiga Isfaariye-dimoqraad oo sanooyin badan dalbayey in baaritaan lagu sameeyo kharash ku baxa dadka soogalootiga ah.

Ururka OECD wuxuu baaritaankiisa isku barbardhigay kharashyada ay ajnebigu u bixiyaan canshuur ama khidmado kale ahaan iyo kaalmooyinka ay qaataan oo ay ka mid yihiin lacagta kaalmada dadka aan shaqayn iyo lacagta hawlgabka. Markii la kala gooyey ama jaray lacagahaas waxaa bulshooyinka dalalkaas badankood ay u noqotay macaash ama faa’iido gaareysa 3000 oo euro ah oo u dhiganta 26000 oo karoon.

Haddii si gaar ah loo eego Iswiidhen, kharashka dadka soogalootiga ahi ay dowladda siiyaan ayaa ka badan dakhliga ay iyagu ka helaan dowladda. Ururka OECD wuxuu ku qiyaasay in ay bulshada iswiidhishku ka macaashto dhawr kun oo karoon sannadkiiba.

Isha: DN Ekonomi

abdikani.kadawo@sr.se

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".