Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Boliiska iyo ciidamada xoogga dalka oo tababar wadasamaynaya

La daabacay tisdag 18 juni 2013 kl 10.25
ISawirle: Jonatan Nilsson/Sveriges Radio

Laga soo bilaabo sannadkii 2006 waxay ciidamada boliisku caawimaad iyo gargaar ka heli karaan xoogga dalka haddii uu matalan fal argagixo ka dhaco Iswiidhen. Sidaas awgeed ayey hadda labadaan ciidan isla samaynayaan tababar wadajir ah. Sidaasna waxaa lagu qoray warbixin dhowaan soo baxday.

Marka laga reebo tababarada waxqorista iyo diiwaangelinta waxay kaloo isla qaataan tababaro ay ka mid yihiin marinnada isdhaafsiga wararka ama xiriirka labada urur u dhexeeya.

Baaritaano la sameeyey kadib falkii argagixisada ee Noorwey ka dhacay 2011 waxaa la ogaaday baahida loo qabo in la isdhaafsado khibrada iyo tababarada si la isaga kaashado xaaladaha murugsan oo taas la mid ah.

Guddoomiye-ku-xigeenka Guddiga baarlamaanka u qaabbilsan arrimaha garsoorka Johan Linander ayaa sheegay in ay waajib tahay in boliiska iyo ciidamada xoogga dalku isla sameeyaan rababaro:

- Waa wax cad in ay tababar isla sameeyaan si ay hawshu u fududaato kolka ay xaaladdu adkaato. In ay tababaro isla qorsheeyaan waa waxa keliya oo aan ku dhiirrigelin karno.

Isha: Ekot

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".