Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Hawo xoogaa wasakhaysan waa kordhin karta kansarka sambabada

La daabacay onsdag 10 juli 2013 kl 16.30
Qiiqa baabuurta. Sawirle: Pontus Lundahl för Scanpix

 

Kansarka haleela sambabadu wuxu ka mid yahay noocyada cudurada kansarka ee dunida ugu badan. Sigaar-cabbidda ayaa noqoneysa sababta ugu weyn oo loo qaado kansarka sambabada, in kastoo ay jiraan sababo kale oo hawada la xiriira oo kordhin karta in la qaado cudurkaas.

Khatarta in la qaado kansarka sambabadu waa ay jirtaa xataa haddii wasakhda ku jirta hawada la neefsado ay aad u yar tahay. Sidaasna waxaa qortay wakaaladda wararka ee TT.

Natiijadaanina waxay ka soo baxday daraasad ay qaybqaateen dad tiradoodu gaareyso 313000 oo qof oo Yurub ku nool. Dadka daraasaddaas ka qaybgalayna 40000 oo ka mid ahina waxay ahaayeen iswiidhish.

Caalimiinta daraasadaan sameeyey waxay cabbireen cufnaanta hawada ka jirey meelaha ay dadkaasi degganaayeen. Daraasadoodana waxay ku soo daabaceen wargeyska Lancet Oncology. Dadkii daraasada ka qaybgalay 2095 qof oo ka mid ah ayuu ku dhacay cudurka kansarka sambabada intii ay daraasaddu socotey oo ahayd 13 sano.

Waxyaalaha hawada wasakheeyana waxaa ka mid ah qiiqa gaadiidka iyo habka kuleylinta guryaha. Khatarta in kansar la qaado sidaas uma weyna oo lama barbardhigi karo dhibaatada sigaar-cabbidda, laakiin haddana waa natiijo aan la yareysan karin.

Isha: TT

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".