Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Kaalmo dhaqaale oo la siinayo ururada diiniga ah

La daabacay tisdag 30 december 2014 kl 10.30
Väggarna är svarta och rök kommer ut från fönstren.
Moskén i Eskilstuna såg ut så här efter branden på juldagen. Foto: TT.

Laga bilaabo sannadka soo socda waxaa muuqata fursad kaalmo dhaqaale oo xagga amniga lagu siin karo ururada diiniga ah. Middan ayaa daba socta ka dib markii sannadahan u dambeeyay weeraro loo geystay goobaha ay ku ciibaadaystaan muslimiinta iyo yuhuudu.

Sidaa waxaa dhayda ka cadeeyay Åke Göransson oo ah xoghaya guud ee guddida hey’adda  magaceeda loo soo gaabiyo SST, oo ah hey’add taageero dawladeed u fidisa urur diimeedyada.

-Kaalmadani ma noqon doonto lacag lagu shaqaaleeyo shaqaale, ama waardiye, lakiin waxay noqon doonta lacag tusaale ahaan loogu talo galay in lagu iibiyo daaqado iyo albaabo amnigoodu sugan yahay, seenyaalaha digniinta iyo wixii la mid ah. Sidaas ayuu leeyahay Åke Göransson

Lacagtan hey’addani ay u isticmaali doonto sidii ay wax uga qaban lahayd amniga goobaha lagu cibaadaysto ayaa waxay noqonaysaa qiyaastii saddex milyan oo koroon.

Geesta kale hore ayaa ururada diiniga ah ee yuhuudu ay u heli jireen taageero dhaqaale oo dawladeed oo xagga amniga ah. Middaas oo hore loogu go’aamiyay go’aan dawladeed, ilaa iyo sannadii 2011 lagu dalbaday lacag dhan 6 milyan oo koroon. Hadda ayaa laga yaabaa in kaalmada dhaqaale ee dawliga ah la wada siiyo dhamaan ururada diiniga ah. Balse kaalmada dhaqaale ayaa la siin doona uun ururada diiniga ah ee xag u leh in ay helaan kaalmo dhaqaale oo dawladeed, sida masjidka Eskilstuna iyo Eslöv. 

Isha: Ekot

samir.dualeh@sr.se

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".