Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Baahi ballaaran oo ka aloosan af-celiyeyaasha

La daabacay tisdag 29 december 2015 kl 11.40
25% ayey kor u kacday baahida tarjubaannadu
(2:34 min)
Goob tarjubaannada laga dalbado. Sawirle: Nadya Norton/Sveriges Radio
Goob tarjubaannada laga dalbado. Sawirle: Nadya Norton/Sveriges Radio

Maqaal maanta lagu daabacay bogga doodda ee war-geeyska Dagens Nyheter ayaa lagu qeexay inay dalka ka aloo-san tahay caqabad ballaaran ee la xiriirta baahida loo qabo tarjubaannada.

Caqabaddaasina oo wax-yeelo u geey-sanaysa ammaanka xeerarka iyo in cidi halis ugu gasho nafteeda, waana kolka laga hadleyo tarjumidda goobaha caafimaadka. Maamulka dalka, hayadaha iyo kaabeyaasha tacliinta ayaa looga fadhiyaa sidii ey wax uga qaban lahaayeen baahida tarjubaannada. Iyadoona uu urur-dalladeedka shirkada ku howl-gala tarjubaannada soo jeediyay in loo baahan yahay dardar-gelin tacliinta af-celiyeyaasha.

Elisabeth Cardoso da Silva, waa madax waaxeed ka howl-gasha shirkadda luuqadaha ee Semantex, iyadoona sheegtay inay baahi aad u ballaaran ka taagan tahay af-celiyeyaasha muddadii u dambeeysay maadaama ey dalka soo galeen qaxooti aad u fara badan 160 000 gaarsiisan. Baahida tarjubaannada ayaa kor u kacday 15-25% kolka loo barbar-dhigo sannadkii ina dhaafay ee 2014, waa sida ay hadalka u dhigtay:

- Waxaa jira kor u kac inta u dhexeeysa 15-25% oo laga dareemeyo dalabaadka. Waxaa kaloo muuqda luuqaddaha ey baahiyada ugu ballaarani ka jiraan oo ay ugu horreeyso luuqadda Dari ee looga hadlo dalka Afgaanistaan. Waxaa sidoo kale ay baahiyi ka jirtaa luuqadaha carabiga, soomaaliga iyo Tigrinya oo looga hadlo dalka Eriteriya. 

Baahida tarjubaannada ka aloo-san Sweden ayaa lagu saleeyneyaa iney salka ku heeyso qaxootiga faraha badan ee waayadan dambe dalka ku soo qulqulayey oo tiro ahaan kor u dhaafaya 160 000 oo ruux, iyadoona luuqadaha ugu badan ee qaxootigaasi ku hadlaanina yihiin Dari, carabi, soomaali iyo tigrinja. Dhanka kale waxaa eedda la saareyaa habka cayimidda tarjubaannada oo iyaduna aad u hooseeya. Luuqadaha qaarkoodna aaneyba laheyn tarjubaan cayiman. Dhanka soomaalida ayey aad u yar yihiin tarjubaannada cayimaad guud, hase yeeshee aaneyba jirin tarjubaan soomaali ah oo haysta shahaado tarjubaan cayiman ee la xiriirta xeerar, caafimaadka iyo wixii la mid ah.

Isha/ DN, Radio Sweden

                                                               kenadid.mohamed@sr.se

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".