Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Qiimaha korontada oo cirka isku shareeray

La daabacay måndag 18 januari 2016 kl 17.00
Laan barafowday. Sawirle: Anders Wiklund / TT
Laan barafowday. Sawirle: Anders Wiklund / TT

Dalka Sweden ayuu qabowgii halkiisii ka sii socdaa, halka dhanka kale uu aad kor ugu kacay qiimaha korontadu. Biilka korontada ee bishan jannaayo ayaa noqon doona mid ka sarreeya qaar badan ee ka mid ah guryaha lagu nool yahay.

Guryaha ku yaala nawaaxiga gobolka Stockholm iyo koonfurta Sweden ayay dhici kari doontaa inuu biilka bishan jannayo ee korantadu kor u kaco 60 boqolkii, sida uu qoray war-geeyska maalinlaha ee Svenska Dagbladet.

Bilihii ina dhaafay ayuu biilka korontadu ahaa mid runtii hooseeya, hase yeeshee kolka ay hawadu qobowdo ayay kor u kacdaa isticmaalka isticmaalka korontadu, waana waana sababta uu kor ugu kaco biilka korontaduna. Qiimaha korontada ayaa gaarsiisnaa 15-kii bishan jannaayo 54 öre kiiloowaat saacaddiiba, halka uu qiimahaasi bilowgii sannadka uu ahaa 15 öre kiiloowaat saacaddiiba.

Dhanka kale haddii uu qabowgu halkiisa ka sii socdo ayaa in muddo ah la bixin doonaa sicir sarreeya ee biilasha korontada. Waxaa iyaguna sidoo kale saameeyn ku yeelaneya qiimaha korontada biyaha iyo shirkadaha quwadda korontada ee nukliyerka ku shaqeeya.

Digniintii shirkadda tamarta ee Vattenfall iyo in albaabbada loo laabo wakhtigii loogu talo galey ka hor qaar ka mid ah warshadaha tamarta korontada ee quwadda nukleyarka, waxay sidoo kale saameeyn ku yeelaneyaan qiimaha korontada. Awoodda soo saarka tamarta korontada Sweden ayaan haddaba ku fillaan doonin kolka uu yimaado qabowgii ugu xumaa, sida uu qoray war-geeyska Svenska Dagbladet.

Xilligan eynu ku jirno ayuu biilka korantadu kor u kacay 57 boqolkiiba guud ahaan dalkan Sweden.

Isha/ SvD

                                                                   kenadid.mohamed@sr.se

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".