Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Cilmibaare: Xuduudaha EU kala xiratay oo lagu guuldareeystay

La daabacay torsdag 26 maj 2016 kl 17.00
War-bixin lagu dhaleeceeyey xuduudaha EU kala dhigatay
(2:28 min)
Polis övervakar kön av ankommande flyktingar i snålblåsten vid Hyllie station utanför Malmö.
Boliis hor-taagan qaxooti doon ka soo degay. sawir: Sawirle: Johan Nilsson/TT

Xuduudaha la kala dhigey waddammada xubnaha ka ah ururka EU ayaa ah falal wax burburinaya, isla-markaana adkeeynaya jah-wareerka iyo kalsooni-darrida, halkii marka hore loogu talo galey sidii qaxootiga loogu xakameeyn lahaa. Cabirkaa adag ayaa lagu soo bandhigi doonaa baaritaan dawladdu u saartay oo maanta la soo ban-dhigi doono.

Isku dayga sidii lagu xakameeyn lahaa qaxootiga Yurub soo hiigsanaya ayaa la xiriirta ammaanka, isla-markaana saameeysay dhaqaalaha cashuunrta ee bulshada laga qaado, balse aan xal u ahayn dhibaatada aasaasiga ah ee qaxootiga sharci-darrada ku socota, sida uu cilmi-baare Ruben Andersson ku sheegay baarista dawladeedka loogu magar-darey "soo-galooti aan xaddidnayn iyo ilaalinta xuduudaha Yurub " oo uu soo saaray ururka magaciisa loo soo gaabiyo Delmi - Delegationen för Migrationsstudier, kana howl-gala, iskuulka dhaqaalaha ee magaalada London ee caasimadda dalka boqortooyada ingiriiska.

Farriinta war-bixintan laga leeyahay ayaa ah in waddammada Yurub ka maarmaan ilaalinta xuduudahooda ee qaxootiga looga hor-tegeyo mustaqbalka dhow iyo isku dayga hoggaanka EU ee Barugsel iyo sidii ey waddammada ururka xubnaha ka ahi u qayb-san lahaayeen qaxootiga xoogana la isugu geeyo dhaqaalaha sidii wax looga qaban lahaa in abuuro wada-shaqeeyn caalami ah ee la xiriirta qaxootiga iyada oo sal-dhig uu u yahay ururka caalamiga ee Qarammada Midoobey.

Ann Linde, ahan wasiirka cusub ee EU iyo ganacsiga dibadda ayaa ku taabac-san war-bixinta in kontroollada xuduudaha Yurub ey caqabad ku yihiin.

– Nasiib-darro waan ku raac-sanahay. Hase yeeshee dalkan Sweden wuxuu ahaa waddankii qaabilay qaxootiga ugu badan, kolka loo eego tirada bulshada dalka ku dhaqan. Nidaamkii dalka oo khal-khal galay ayaa dhliyay baahida in xuduudaha la xiro ama lagu soo rogo baaritaanno. Tallaabadaasina oo aan loo baahdeen haddii ey waddammada xubnaha ka ah EU si siman u qeyb-san lahaayeen culeeyska qaxootiga, sida ay sheegtay Ann Linde, wasiirka arrimmaha EU iyo ganacsiga dibadda.

Isha/ Ekot

                                                                    kenadid.mohamed@sr.se

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".