Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Fridolin oo lagu dhaleeceeyey siyaasad aargudasho

La daabacay onsdag 8 juni 2016 kl 16.39
MP-språkröret Gustav Fridolin, och partiets utbildningspolitiska talesperson, Jabar Amin. Foto: TT.
MP-språkröret Gustav Fridolin, och partiets utbildningspolitiska talesperson, Jabar Amin. Foto: TT.

Carqaladdii ka dhex-aloosnayd xisbiga xisbiga Doogga (MP) ayaaweli halkeedii ka socota.

Iyadoona iminka ey xil-dhibaanno xisbiga MP u metela baarlamanka ey ku dhaleeceeyeen mid ka mid ah labada hoggaan ee xisbiga MP, Gustav Fridolin inuu ka dambeeyo tallaabada is-aamusinta iyo kala dameeynta khasab ah ee xisbiga dhexdiisa ka aloosan. Xaaladda dabeecadda shaqo ee xil-dhibaannada ayaa ah mid aad u liita, sida uu sheegay Jabar Amin, kana mid ah xil-dhibaannada MP u metela baarlamanka.

– Hadday ahaan lahayd goob shaqo ee caadi ah goor hore ayaa albaabka loo laabi lahaa, iyada oo lagu macneeynayo xaaladda dabeecadda ee goobta shaqo.

Sababtuna maxay tahay?

– Xaaladda cimilo howsha ayaa ah mid aad u liidata, middaasina oo ay ka dambeeysi siyaasadda aargudashada ku dheehan tahay ee hoggaanka xisbiga.

Ma jiraan falal kale oo aad tilmaami karto oo aan ka aheyn dhacdooyinkii shalay?

– Haa, waxaa la isku dayey in culays la i saaro, waxaan kaloo ogsoonahay in la isku dayey culeeys in la saaro xil-dhibaanno kale.

Fiid-nimadii xalay ayay caddaatay in laba ka mid ah siyaasiyiinta sare ee xisbiga MP- af-hayeenka guddi-hoosaadka EU Carl Schlyter iyo af-hayeenka siyaasadda arrimmaha dibadda Valter Mutt laga xayuubiyey masuuliyaddii. Iyadoona ey labada xil-dhibaanba si cad u dhaleeceeyeen siyaasadda dawladda ee heshiiska ay la gashay ururka gaashaan-buurta Naato.

Halka dhanka kale ee laba xil-dhibaan oo kalena isaga degeen kuraastii af-hayeen-nimo oo ey xisbiga u hayeen. Kuwaasina oo kala ah - Jabar Amin iyo Annika Lillemets.

Hase yeeshee ey dhammaantood ku sii nagaan doonaan kuraastooda.

Isha/ Ekot

                                                                         kenadid.mohamed@sr.se

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".