Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Clown-yo dadweeynaha Iswiidhan baqdin ku dhaliyay

La daabacay fredag 14 oktober 2016 kl 11.17
Ygeman"Waa in ay joojiyaan"
(1:43 min)
"Clown"middi gacanta ku haya.
"Clown"middi gacanta ku haya. sawir: Ruud, Vidar

Maalmihii ugu dambeeyay ayey dad dharka maadeeyaha wata, af- iswiidhish clown, dhowr qof ku weerareen magaalooyin ka mid ah waddanka.  

Dhacda ugu dambeeysa ayaa ah in xalay shaksi magaalada Varberg middi lugu dhaawacay.

Sido kale ayaa habeenimadii arbacada gabadh wadadda maraysa lugu weeraray xaafada Skällinge ee gobolka Östergötland.

-Gabadh da' yar ayey laba qofi weerareen. Mid ka mid ah labada qof middi ayuu gacanta ku hayay. Sidaas waxaa sheegay Thomas Agnevik oo qeeybta saxaafada u qaabilsan booliska gobolka Östergötland.

In dharka madeeyaha amba clownkaa la gashado dabeetana dadka laga bajiyo ayaa ah wax wakhtii dheer ka jiray wadamadda qaar, hasayeeshe hadda Iswiidhan soo gaadhay.

Dhacdooyinkan ayaa sido kale gaadhay gobolka Jönköping halkey dhowr qof dacwad ah, in ay dibada ku arkeen maadeeye, booliska u gudbiyeen.

-Waxaan hadda aragna in ay dhacdooyinkani gaadheen dhowr magaalo. Waa arrin baqdin iyo welwel ku dhaliyay dadka waddanka ku nool, ayuu sheegay Thomas Agnevik.

Wasiirka arrimaha gudaha, Anders Ygeman, ayaa shalay ka hadlay dhacdooyinkan.

-Waa in ay dadka ka dambeeya dhacdooyinkan, xitaa haddey kaftan ka tahay, joojiyaan weeraradan, ayuu sheegay.

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min Lista".