Du måste aktivera javascript för att sverigesradio.se ska fungera korrekt och för att kunna lyssna på ljud. Har du problem med vår sajt så finns hjälp på http://kundo.se/org/sverigesradio/

Aqoonyahan dalbadey in hab cusub lagu baaro kansarka xiniinyaha gala

La daabacay måndag 3 april kl 15.55
Kansarka xiniinyaha iyo daaweyntiisa
(1:43 min)
Hab cusub lagu baaro kansarka xiniinyaha gala.
Hab cusub lagu baaro kansarka xiniinyaha gala. sawir: Jessica Gow/TT

Bare sare oo wax ka dhiga jaamacadaha dalkaan Sweden ayaa raba in ragga la saaro raaja guud oo lagu kala ogaanayo in ay qabaan cudurka kansarka xiniinyaha gala iyo in kale.

Anders Bjartell oo ah bare sare iyo takhtar ka hawlgala jaamacadda Skåne ayaa imminka raadinaya farsamo loo adeegsanayo in waqti hore lagu ogaado laguna daaweeyo cudurka kansarka ee ragga xiniinyaha uga dhaca.

-Dhibaatooyinka hadda jirta ayaa ah sidii lagu ogaan lahaa qofka cudurka kansarku uu soo hayo, inta aan cudurkaasi soo ridan waayo marka uu soo rito waa mar uu ku fogaadey, ayuu yiri Anders Bjartell oo ah bare sare iyo takhtar ka hawlgala jaamacadda Skåne.

Bjartell ayaa maqaal uu ku soo qorey wargeyska Dagens Nyheter ku sheegey in sida imminka cudurkaas loo daaweeyaa tahay mid aan waxtar laheyn sidoo kalana uu waqti dheer sugo qofkii raba in cudurkaas laga daaweeyo.

Aqoonyahankaan sare ayaa intaas ku darey in uu jiro hab cusub oo cudurkaas wax looga qaban karo bale uu qiima ahaan qaali yahay.

Anders Bjartell ayaa sheegey in waqti dheer ay bukaansocodka cudurkaas laga baarayo ku qaadato ogaanshaha in cudurkaas uu qabo iyo in kale , tusaale ahaan magaalada Stockholm ayaa baaritaanka noocaas ahi wuxuu qaataa qiyaastii muddo lix bilood ah, wuxuuna yiri isagoo arrinkaas ka hadlaya:

- Marka la isbarbardhigo kansarka xiniinyaha galaa, aad iyo aad buu uga danbeeyaa kansarka naasaha gala marka ay timaado dhanka baaritaanada lagu sameeyo iyo waliba waqtiga daaweyntiisa ay raggu sugaan.

 

Tiirka saxaafaddeenna waa aaminaad iyo dhexdhexaad-nimo. Idaacadda Sweden waa mid ka madax-bannaan siyaasadda, diinta, dhaqaalaha, danaha howlaha guud iyo kuwa gaarka.
Har du frågor eller förslag gällande våra webbtjänster?

Kontakta gärna Sveriges Radios supportforum där vi besvarar dina frågor vardagar kl. 9-17.

Du hittar dina sparade avsnitt i menyn under "Min lista".